Masallıda sərbəst güləş üzrə rayon birinciliyi keçirilib
- 18-10-2021, 18:15
- İdman
- 0
- 81
Masallıda sərbəst güləş üzrə rayon birinciliyi keçirilibMasallı Rayon Gənclər və İdman İdarəsinin təşkilatçılığı ilə “Azər” İdman klubunda 18 oktyabr Dövlət Müstəqilliyinin Bərpası Gününə həsr edilmiş yeniyetmələr arasında sərbəst güləş idman növü üzrə rayon birinciliyinə yekun vurulub.
Yarışın mükafatlandırılma mərasimində çıxış edən Masallı Rayon Gənclər və İdman İdarəsinin rəisi Sabiq Cahangirov idmançıları Müstəqilliyin Bərpası günü münasibəti ilə təbrik edib, yarışın təşkil edilməsində əsas məqsədin rayonda güləşə marağın artırılması, idmançılarda vətənə məhəbbət hissinin gücləndirilməsi olduğunu bildirib.
10 çəki dərəcəsində 72 yeniyetmə idmançının qatıldığı yarışlar olduqca gərgin mübarizə şəraitində keçib.
İki gün (15-16 oktyabr) davam edən birinciliyin qalibləri rayon gənclər və idman idarəsinin diplomları ilə mükafatlandırılıb.
www.yeniheyet.az
