Masallının 7 yaşayış məntəqəsində subartezian quyusu qazılacaq
- 13-02-2019, 21:25
- İqtisadiyyat
- 0
- 1 464
Masallının 7 yaşayış məntəqəsində subartezian quyusu qazılacaqƏkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında Azərbaycan Respublikası Prezidentinin 12 fevral 2019-cu il tarixli Sərəncamına əsasən 2019-cu ildə ölkənin 41 rayon və şəhəri üzrə 254 yaşayış məntəqəsində 300 subartezian quyusunun layihələndirilməsi və qazılması təmin ediləcək.
Yeniheyet.az president.az-a istinadən xəbər verir ki, siyahıya əsasən Masallı rayonunun 7 (yeddi) yaşayış məntəqəsində – Həsənli, Səmidxanlı, Öncəqala, Lürən, Şərəfə, Böyük Kolatan kəndlərində, Ərkivan qəsəbəsində (hər ərazidə bir ədəd olmaqla) subartezian quyularının qazılması nəzərdə tutulub.
“Yeni həyat”,
www.yeniheyet.az
