MASALLIDA - Şərəfə kəndində çiyələk yığımı
- 21-06-2020, 15:34
- İqtisadiyyat / Aqrar
- 0
- 1 229
MASALLIDA - Şərəfə kəndində çiyələk yığımı Masallı rayonunda çiyələk yığımına may ayının əvvəllərində start verilsə də, rayonun Şərəfə kəndində açıq sahələrdə bir neçə gündür mövsümün ilk məhsul yığımına başlanılıb.
Fermerlər məhsul yığımını xüsusi karantin rejiminin tələblərinə uyğun olaraq növbəlilik əsasında aparırlar.
Ötən illə müqayisədə çiyələk sahələrində məhsulun daha çox olduğunu söyləyən məhsul istehsalçıları, bunun səbəbini havaların daha isti keçməsi ilə əlaqələndirirlər.
Çiyələk sahələrində İsrail və Türkiyədən gətirilmiş məhsuldar “Albion” növü əkilib.
Fermerlər yığılan məhsulun satış qiymətindən də razıdırlar. Onlar sahələrdən yığılan çiyələyin bir kiloqramını 2 manat 50 qəpiyə satırlar.
Çiyələk məhsulu yerli bazarlarla yanaşı, Rusiyaya da ixrac edilir.
“Yeni həyat”,
www.yeniheyet.az
