Masallının Şıxlar kəndinə təbii qaz verildi
- 24-02-2018, 15:47
- İqtisadiyyat
- 0
- 2 363
Masallının Şıxlar kəndinə təbii qaz verildi
Regionların sosial-iqtisadi inkişafı Dövlət Proqramının uğurla icra edilməsi nəticəsində ölkəmizin bütün bölgələrində olduğu kimi Masallı rayonunda da geniş abadlıq və quruculuq işləri, o cümlədən əhalinin sosial problemlərinin həlli istiqamətində işlər görülür.
Belə ki, 24 fevral 2018-ci il tarixdə Masallı rayonunun Şıxlar kəndinə təbii qazın verilməsi ilə əlaqədar tədbir keçirilmişdir.
Açılış mərasimində Masallı Rayon İcra Hakimiyyətinin başçısı cənab Rafil Hüseynov və “Azəriqaz” İB-nin baş direktoru Əkbər Hacıyev iştirak etmişdir. Xeyli sayda abonenti olan Şıxlar kəndinin qazlaşdırılması zamanı birpilləli sistem əsasında müxtəlif diametrli metal borularla daşıyıcı, o cümlədən məhəllədaxili qaz xətləri çəkilib, hər bir abonent üçün ayrıca sayğac və fərdi tənzimləyici quraşdırılıb.
Masallı Rayon İcra Hakimiyyətinin başçısı cənab Rafil Hüseynov Şıxlar kəndinə təbii qaz verilməsinə həsr olunmuş tədbirdə çıxış edərək yerli sakinləri əlamətdar hadisə - təbii qaz verilməsi münasibətilə təbrik etmiş, onlara ən xoş arzularını çatdırmışdır.
Açılış mərasimində Şıxlar kənd inzibati ərazi dairəsi üzrə nümayəndəsi Qədir Məmmədov, kənd sakinlərindən Əziz Hüseynov, Leyla Bayramova, Azəriqaz” İB-nin baş direktoru Əkbər Hacıyev və başqaları çıxış edərək möhtərəm Prezident cənab İlham Əliyevə göstərdiyi diqqət və qayğıya görə minnətdarlıqlarını bildirdilər.
Masallı Rayon İcra Hakimiyyətinin başçısı cənab Rafil Hüseynov " Azəriqaz” İB-nin baş direktoru Əkbər Hacıyevlə birgə təbii qazın yanarlığını alışdırmışlar.
“Yeni həyat”,
www.yeniheyet.az
