Masallıda muzdla işləyənlərin sayı və orta aylıq nominal əməkhaqqı açıqlanıb – STATİSTİKA
- Bu gün, 15:45
- İqtisadiyyat
- 0
- 8
Masallı Rayon Statistika İdarəsindən verilən məlumatda bildirilir ki, məşğul əhalinin tərkib hissəsi olan muzdla çalışan işçilərin sayı 2026-cı ilin yanvar-sentyabr aylarında 14706 nəfər, o cümlədən iqtisadiyyatın dövlət sektorunda 7079 nəfər (48,1 faiz), qeyri-dövlət sektorunda isə 7627 nəfər (51,9 faiz) təşkil etmişdir.
Muzdlu işçilərin 22,3 faizi məhsul istehsalı sahələrində, 77,7 faizi isə xidmət sahələrində çalışanlar təşkil etmişdir.
2026-cı ilin yanvar-sentyabr aylarında orta aylıq nominal əməkhaqqı 2025-ci ilin müvafiq dövrünə nisbətən 2,6 faiz artaraq 660,8 manat təşkil etmişdir. Dövlət müəssisələrində çalışan işçilərin əməkhaqqları 792,0 manat (əvvəlki ilin müvafiq dövründən 2,4 faiz çox), özəl müəssisələrdə isə 526,6 manat (əvvəlki ilin müvafiq dövründən 3,6 faiz çox) olmuşdur.
2026-cı ilin yanvar–sentyabr aylarında ən yüksək orta aylıq nominal əməkhaqqı maliyyə və sığorta fəaliyyəti, digər sahələrdə xidmətlərin göstərilməsi, dövlət idarəetməsi və müdafiə; sosial təminat, informasiya və rabitə, eləcə də elektrik enerjisi, qaz və buxar istehsalı, bölüşdürülməsi və təchizatı sahələrində qeydə alınmışdır.
Masallı Rayon Statistika İdarəsi





























