Narkotik vasitənin təsiri altında idarə etdiyi mikroavtobusla sərnişin daşıyan şəxs saxlanılıb
- 3-05-2022, 14:28
- Maraqlı
- 0
- 364
Masallı Rayon Polis Şöbəsinin dövlət yol polisi bölməsinin əməkdaşları rayon ərazisində hərəkətdə olan “Mercedes” markalı mikroavtobusun sürücüsünə yol hərəkəti qaydalarını pozduğu üçün “Saxla” işarəsi veriblər.
Daxili İşlər Nazirliyinin mətbuat xidmətinin Lənkəran regional qrupundan bildiriblər ki, nəqliyyat vasitəsi saxlanıldıqdan sonra sürücü, Masallı rayon sakini Nazim Qurbanovun narkotik vasitə qəbul etməsinə dair şübhələr yarandığından o, müvafiq tibbi müayinədən keçirilib.
Müayinənin nəticəsinə əsasən, N.Qurbanovun narkotik vasitədən istifadə etdiyi məlum olub.
Onun barəsində toplanmış materiallar hüquqi qiymət verilməsi üçün Masallı Rayon Məhkəməsinə göndərilib. Məhkəmənin qərarı ilə həmin şəxs 30 gün müddətində inzibati qaydada həbs edilib.
"Yeni həyat" qəzeti,
www.yeniheyet.az
