Narkomaniyanın fiziki, mənəvi və sosial fəsadları

26-05-2023, 23:30
Maraqlı

Masallı rayon Mərkəzi Kitabxanasında Azərbaycan Respublikası Dini Qurumlarla İş üzrə Dövlət Komitəsinin Masallı bölgəsi üzrə şöbəsi və Mərkəzi Kitabxananın birgə təşkilatçılığı ilə “Narkomaniyanın fiziki, mənəvi və sosial fəsadları ” mövzusunda tədbir keçirilib.Tədbirdə rayon ictimaiyyətinin nümayəndəsi ,hüquq-mühafizə orqanının əməkdaşı, Masallı Regional Dövlət Kollecinin tələbələri,YAP-ın fəal gəncləri və kitabxana əməkdaşları iştirak ediblər.

Tədbiri açıq elan edən Mərkəzi Kitabxananın direktor əvəzi Zamin Məmmədov bəşəriyyəti narahat edən başlıca problemlərdən biri olan narkomaniya ilə mübarizə aparmaq üçün mədəniyyət müəssisələrində maarifləndirmə xarakterli tədbirlərin keçirilməsinin əhəmiyyətindən danışıb. Rayon Polis Şöbəsinin əməkdaşı, polis kapitanı Samid Əliyev narkomaniyanın cəmiyyətə vurduğu zərərlər və narkomaniyaya qarşı mübarizə metodları haqqında əhatəli çıxış edib. Gənclər və İdman İdarəsinin rəisi Sabiq Cahangirov bildirib ki, rəhbərin olduğu dövlət qurumu gənc nəsli narkomaniya təhlükəsindən qorumaq və onları sosial həyatda fəal iştiraka təşviq etmək məqsədilə sosilal-mədəni fəaliyyət aparır, Polis şöbəsi ilə birgə orta məktəblərdə müntəzəm görüşlər keçirir.

DQİDK-nin Masallı bölgəsi üzrə şöbəsinin müdiri Elvin Hüseynli çıxış edərək narkomaniya bəlasına qarşı səmərəli mübarizə apamaq üçün cəmiyyətin bütün təbəqələrinin kütləvi səfərbər olmasının vacibliyini vurğulayıb.Narkomanlığa və narkotik vasitələrin dövriyyəsinə qarşı mübarizə məqsədilə fərman və qanunların qəbul olunması və icrası, dövlət komissiyasının yaradılması dövlətin bu bəlaya qarşı ciddi mövqe sərgilədiyini göstərir. Respublikamızın narkomaniya və narkobizneslə mübarizə üzrə müvafiq qurumların beynəlxalq təşkilatlar, o cümlədən Avropa Komissiyası ilə sıx əməkdaşlıq edir. YAP-ın nümayəndəsi Eldar Kazımov çıxış edərək yetkinlik yaşına çatmayan uşaqları narkomaniya təhlükəsinə qarşı xəbərdar etmək məqsədilə təbliğat işlərini artırdıqlarını diqqətə çatdırıb.