Mahmudavarda maraqlı şahmat yarışı

 
Masallı rayon  Ağsaqqallar şurasının təşəbbüsü ilə Mahmudavar kəndində ümummilli lider Heydər Əliyevin 100 illiyi münasibətilə və şəhidlərin xatirəsinə keçirilən şahmat yarışı beş gün davam etmiş və gərgin mübarizə şəraiti ilə yadda qalmışdır.

Yarışda gənclərlə ağsaqqaların qarşılaşması oyunların daha maraqlı keçməsinə səbəb olmuşdur. Iyunun 30 - da yarışın qalibləri mükafatlandırılmışlar . Rayon ağsaqqallar şurasının Mahmudavar kəndi üzrə təmsilçisi jurnalist - publisist Həsənağa Əliyev bu tədbirin keçirilməsinə dəstək verən Rusiyada yaşayan eloğlular Əliabbas Nəsirov və Elşad Ağayevə təşəkkürünü bildirmişdir .

Şahmat mübarizəsində daha yüksək nəticəni Afiq İsgəndərov ( 1 - ci yer ) və Afər Əliyev ( 2 - yer ) qazanmışlar . Agsaqqal şahmatçı Mirzəbala Əliyev 3 - cü yerlə kifayətlənmişdir . Hər üç şahmatçiya hədiyyələr təqdim edilmişdir . Həsənağa Əliyev kənd ağsaqqalları adından bildirmişdir ki , agsaqqalların və gənclərin asudə vaxtlarının səmərəli keçirilməsi üçün bundan sonra da belə tədbirlərin keçirilməsi təmin ediləcəkdir .

Tədbirdə Mahmudavar kənd ərazi nümayəndəsi Ağadadaş Qənbərov və kənd bələdiyyəsinin sədri Kamal Ağayev iştirak etmişlər.                              
   
                                                               
 

                                                             Həsənağa ƏLİYEV.


"Yeni heyet"  qəzeti,
www.yeniheyet.azшаблоны для dle 11.2