Şuşa Azərbaycanın mədəniyyət paytaxtıdır

 
İlk öncə İlham Əliyev forumda iştirak edənlərə minnətdarlığını bildirib və Şuşa Qlobal Media Forumunun Qarabağ bölgəsi ücün əlamətdar hadisə olduğunu bildirib.Şuşa Azərbaycanın mədəniyyət paytaxtıdır və qəhrəman oğullarımın şücaəti sayəsində işğaldan azad edilmiş torpaqlarda böyük Zəfər yolu inşa edilib.
 
Daha sonra İlham Əliyev ona verilən sualları cavablandırıb .İlk öncə Türkiyədən dəvət olunmuş nümayəndə Bora Bayraktar Prezidentə sual ünvanlayıb.Onun sualının ümumi məğzini İlham Əliyev və Rəcəp Tayyib Ərdoğan arasındakı münasibətlər və qarşıdakı 5 ildə ediləcək işlər olub.İlham Əliyev cavabında bildirib ki, İkinci Qarabağ müharibəsində Qələbədən sonra Azərbaycan və Türkiyə de-fakto mövcud olan münasibətlərini rəsmiləşdirdi və biz bunu məşhur Şuşa Bəyannaməsini imzalayaraq müttəfiqlik səviyyəsinə qaldırdıq. Həmin Bəyannamə bu mehmanxanadan bir neçə yüz metr kənarda imzalanıb və münasibətlərimizi müttəfiqlik səviyyəsinə qaldırıb. Bu, bizim xalqlarımız və ölkələrimiz üçün çox böyük sərvətdir. Bu Bəyannamə qarşımızda yeni üfüqlər açır. Baxmayaraq ki, bundan öncə də Azərbaycan və Türkiyə bir çox sahədə birlik, həmrəylik və qarşılıqlı dəstək nümayiş etdirib. Əməkdaşlığımızın geniş gündəliyinə nəzər salsaq, siyasət, enerji, ticarət, nəqliyyat, müdafiə, müdafiə sənayesi və bir çox sahədə əməkdaşlığın olduğunu görərik.

Növbəti sualı ABŞ-dan dəvət olunan jurnalist Ceyms Flu ünvanlayıb.O, Azərbaycanın qarşısında olan təhlükələrin hansılar olduğunu soruşub.İlham Əliyev isə cavabında bildirib ki, keçmişdə bizə olan təhlükə məhz Ermənistan və onun işğalı ilə bağlı idi. Həmin təhlükə 30 il ərzində məhz buradan qaynaqlanırdı və artıq biz bu təhlükənin öhdəsindən gəlmişik. Ancaq, əlbəttə, biz ayıq olmalıyıq, biz keçmişimizi unutmamalıyıq. Biz unutmamalıyıq ki, qonşularımız tərəfindən kürəyimizə bıçaq sancıldı, gözlənilmədiyi anda qonşularımız kürəyimizə bıçaq sancdı və o zaman Azərbaycanda olan xaosdan istifadə edərək ərazilərimizi işğal etdi.

 Eyni zamanda, biz unutmamalıyıq ki, İkinci Qarabağ müharibəsinin nəticələrinə baxmayaraq, bu gün Ermənistan cəmiyyətinin, hətta hökumətinin tərkibində müəyyən insanlar var ki, hələ də revanşist ideyalarla yaşayır və onlar bunu gizlətmirlər. Ona görə biz hər hansı bir ssenariyə hazır olmalıyıq. Bu məqsədlə biz İkinci Qarabağ müharibəsi bitən kimi, möhtəşəm Zəfərimizi nümayiş etdirən kimi dərhal yenidən müdafiə sahəsində dərin islahatlar həyata keçirməyə başlamışıq.

Daha sonra digər ölkə nümayəndələri də suallarını Prezidentə ünvanlayıb.
 
 

Babayeva Elanora



“Yeni həyat” qəzeti,
www.yeniheyet.az
шаблоны для dle 11.2