27 il sonra "Dəmir yumruq"əməliyyatı nəticəsində Cəbrayıl düşmən tapdağından azad olundu

       
4 oktyabr 2020-ci il Cəbrayıl şəhərinin işğaldan azad olunduğu gündür.30 illik həsrətin ilk sevinci Cəbrayılın payına düşür. Daha obrazlı desək, işğal zəncirindən ilk qırılan bu şəhər olmuşdur.
     
Azərbaycan xalqına axşam saatlarında verilən bu xəbər nəinki bütün ölkə vətəndaşlarının, dünyanın hər tərəfində qəlbi Vətən eşqi ilə döyünən millət nümayəndələrinin böyük sevincinə səbəb oldu.Bu hadisə yaddaşlara əbədi həkk olundu. Bu tarixi gün əbədiləşdirildi. Prezident İlham Əliyevin 31 iyul 2023-cü il tarixli Sərəncamı ilə Azərbaycan Respublikasının işğaldan azad edilmiş əraziləri üzrə şəhər günləri təsis edildi və 4 oktyabr Cəbrayıl Şəhəri Günü kimi müəyyən olundu.
       
Cəbrayıl azad olunsa da işğalın doğurduğu acı xatirələr cəbrayıllıların xatirəsindən silinməmişdir.Rayon 1993-cü il avqustun 23-də Ermənistan Silahli Qüvvələri tərəfindən işğal olunmuşdur.Erməni vandalizmi nəticəsində şəhərə 13,928 milyard ABŞ dolları dəyərində ziyan dəymiş, maddi-mədəni, tarixi abidələri dağıdılmış, şəhərin flora və faunası,relyefinə belə mənfi təsir göstərmişdir.
       
Cəbrayılın azad olunması uğrunda dəfələrlə cəhdlər olunmuşdur.Lakin 27 il sonra "Dəmir yumruq"əməliyyatı nəticəsində Cəbrayıl düşmən tapdağından azad olundu.İlk olaraq Böyük Mərcanlı və Nüzgar kəndləri, sonra Mehdili, Çaxırlı kəndi, 4 oktyabr tarixində isə Cəbrayıl əsarətdən xilas oldu.Ali Baş Komandan bu müjdəli xəbəri böyük sevinc və qürurla xalqa çatdırdı.
     
Böyük qəhrəmanlıq və fədakarlıq tələb edən Cəbrayıl əməliyyatının uğurla nəticələnməsi vacib idi.Ona görə ki, Azərbaycan Ordusunun Xocavənd rayonunun cənub kəndləri və strateji Hadrut qəsəbəsi istiqamətində hərbi əməliyyatlar keçirməsinə geniş imkanlar yaranırdı. Bundan sonra Zəngilan, Qubadlı və Laçın rayonuna girmək , düşmənin şər  yuvasıni dağıtmaq, zəhərli başını əzmək üçün yol  açılırdı.Belə də oldu.Cəbrayıldan sonra bu rayonlar ardıcıllıqla geri alındı və Laçın dəhlizi Azərbaycanın nəzarətinə keçdi.
     
Cəbrayıl azad olunandan sonra daha atışma səsləri eşidilmədi.Onların əvəzinə sənaye maşınları,kənd təsərrüfatı texnikası şəhərdə abadlıq işlərini həyata keçirməyə başladı.Qaranlığa qərq olunmuş şəhər elektrik xətlərinin çəkilməsi nəticəsində çıraqbana çevrildi. Şəhərdə hərtərəfli təmir-bərpa, tikinti işləri başlandı. Tarixiliyi qorumaq şərtilə tarixi abidələr bərpa olunmağa, məktəb, xəstəxana, mədəniyyət və incəsənət mərkəzləri tikilməyə başlandı.
     
Cəbrayılda baş tutan quruculuq işləri qardaş ölkə Türkiyənin də diqqətindən yayınmadı.Prezident Rəcəb Tayyib Ərdoğan bu layihələrin həyata keçirilməsində fəal iştirakçıya çevrildi.2023-cü ildə Cəbrayıl üçün tikinti-quruculuq işləri xarakterizə olundu.Hadrut-Cəbrayıl-Şükürbəyli avtomobil yolunun təməli qoyuldu.Bu yol başlanğıcını Hadrut yaşayış məntəqəsindən götürməklə və Cəbrayıl rayonundan keçməklə Şükürbəyli kəndində Hacıqabul-Mincivan-Zəngəzur dəhlizi avtomobil yoluna birləşir.
     
Rayonun bütün kəndlərinin tədricən bərpa edilməsi proqramı təsdiq edilib.Cəbrayıl üçün görüləcək işlər bununla bitmir.
     
Təbii ki,bütün bunlar Cəbrayılın simasını dəyişəcək, azad, abad, zəngin bir diyara çevirəcəkdir.
       
Azərbaycan xalqı işğaldan azad olunmuş torpaqlara görə Ali Baş Komanadana və canını Vətən torpağı uğrunda qurban verən şəhidlərimizə,sağlamlığını itirən qazilərimizə borcludur.Ali Baş Komandanın siyasəti və Azərbaycan ordusunun birliyi, şücaəti, əzmkarlığı, inamı sayəsində torpaqlarımız azd olundu.

     

           

Abbasova Sima,
Masallı rayonu Mahmudavar kəndi.шаблоны для dle 11.2