MASALLIDA KƏND TƏSƏRRÜFATININ ÜMUMİ MƏHSULU ARTMIŞDIR – STATİSTİKA
- 3-11-2025, 16:25
- İqtisadiyyat
- 0
- 2 366
Masallı Rayon Statistika İdarəsindən verilən məlumatda bildirilir ki, 2025-ci ilin yanvar-sentyabr aylarında kənd təsərrüfatı, meşə təsərrüfatı və balıqçılıq sahəsi üzrə məhsul buraxılışının ümumi dəyəri 2024-cü ilin yanvar-sentyabr aylarına nisbətən 2,5 faiz artaraq 188697,7 min manat olmuş, o cümlədən onun 103578,3 min manatı və ya 54,9 faizi bitkiçilik məhsullarının, 85119,4 min manatı və ya 45,1 faizi isə heyvandarlıq məhsullarının payına düşür.
2025-ci ilin oktyabr ayının 1-nə kimi tarlalardan qarğıdalı da daxil olmaqla 26786,0 ton və ya əvvəlki ilin müvafiq dövrünə nisbətən 0,08 faiz az dənli və dənli paxlalı bitkilər, 350,0 ton (25,0 faiz çox) çəltik, 8,5 ton (13,3 faiz çox) tütün, 16319,0 ton (1,8 faiz çox) kartof, 58928,0 ton (5,5 faiz çox) tərəvəz, 4675,9 ton (0,7 faiz çox) bostan məhsulları, 3766,0 ton (4,4 faiz çox) meyvə və giləmeyvə, 1054,6 ton (0,01 faiz çox) üzüm, 26,0 ton (34,7 faiz az) yaşıl çay yarpağı yığılmışdır.
