Yeni Azərbaycan Partiyası -32

Azərbaycanda xaos, qarmaqarışıqlıq, hərki-hərkiliyin baş alıb getməsi yenicə müstəqilliyini elan etmiş xalqın uçuruma doğru getməsindən xəbər verirdi. AXCP- Müsavat hakimiyyətinin hər bir naziri prezidentlik iddiası ilə əmrlər verir, özünü xalqın gözündə “qəhrəman” kimi göstərməyə çalışırdı. Əyalətlərdə vəziyyət daha acınacaqlı idi. İllərlə yaradılmış dövlət təsərrüfatları gözəgörünməz qüqvvələrin əlləri ilə vandalcasına dağıdılırdı. Dövlət strukturları sanki gücdən düşmüşdü. Bir tərəfdən torpaqlarımız işğal olunurdu, digər tərəfdən ölkə intəhasız dəniz kimi çalxalanırdı.

Mən həmin illərdə rayon ziyalısı kimi natahat idim. Neçə-neçə vicdanlı vətəndaş da ölkənin düşdüyü bu vəziyyətə dözmürdü. Biz tez-tez birləşib ölkəninn bu çətin dövrünün nə ilə nəticələnəcəyi barədə fikir mübadiləsi edirdik. Belə nəticəyə gəlirdik ki, uzun illər Azərbaycana rəhbərlik etmiş, SSRİ kimi nəhəng bir ölkənin idarə etməsində təcrübəsi olan Heydər Əliyev məhz bu mürəkkəb prosseslərdən baş çıxara bilər. 

Qara qüvvələr isə bu dahi insanın ölkəninn idarəetmə strukturlarına Yaxin buraxmaq istəmirdilər.  Nəhayət, ötən əsrin 90-cı illərin əvvəllərində Naxçıvanda Azərbaycanın gələcək taleyini işıqlandıra biləcək ümid işığı parladı. Heydər Əliyev sevənlər burada bir araya gələrək birinci təsis Yeni Azərbaycan Partiyasını yaratdılar. Konfransda eloğlumuz Şirvan Əbilov cənubdan yeganə vətəndaş kimi Konfransda iştirak edirdi.   Bu Masallı ziyalılarını hədsiz sevindirdi. Şirvan Əbilov rayona qayıdan kimi bizi Naxçıvandakı vəziyyətlə tanış etdi. Ulu Öndərin salam və tapşırıqlarını bizə çatdırdı. Bir neçə gün ərzində əqidəli, cəsarətli vətənpərvərlərin iştirakı ilə  YAP-ın Masallı rayon təşkilatını yaratdıq. Cənub rayonlarında da bu siyasi qüvvənin ilk təşkilatlarını yaratmaq üçün təbliğat işlərimizi artırdıq. Tez-tez Lənkəran, Astara, Lerik, Cəlilabad, Yardımlı  rayonlarında olur, təşkilatların yaranmasına gömək göstərirdik. O dövrdə “Səs” qəzetinin yayımını təşkil edirdik. 

Bu gün həmin zamandan bizi 32 il ayırır. Bir vaxtlar ölkənin müxalif partiyası kimi yaranan YAP bu gün xalqın inamını qazanmış böyük siyasi qüvvəyə çevrilmişdir. Azərbaycan  bu siyasi qüvvənin çevikliyi, təsisçisi Heydər Əliyevin  uzaqgörənliyi ilə Qafqazda ən qüdrətli dövlətə çevrildi. 30 il düşmən tapdağı altında olan torpaqlarımızı azad etmiş, xalqın maddi rifahını yüksəltmək iqtidarına nail olmuşdur. İndi Azərbaycan dünyanın siyasi arenasında sözünü deyə bilən qüdrətli bir ölkəyə çevrilib. Ulu Öndərin sağlığında həyata keçirə bilmədiklərini  onun siyasi varisi möhtərəm Prezidentimiz, Ali Baş Komandan  İlham Əliyev vaxtında yerinə yetirib.

Ötən illəri xatırladıqca rayonda YAP-ın rayon təşkilatını yaradan siyasi məsləkdaşlarımız yada düşür. Şübhəsiz, ilk öncə Ulu Öndərin yaxından tanıdığı Şirvan Əbilovun əməyi danılmazdır. Onun ətrfında isə Qardaş Fətullayev, Əfrail Fərziyev, Füzuli Fətullayev, Cəmaləddin Ağayev, Rafiq Bağırov, Yaşar Gözəlov,  dünyasını dəyişən  Atabala Hacıyav, Ələm İbadullayev, Sərraf  Nurəliyev, Təvəkkül Mirzəyev, Sarıbala Hüseynov bə başqaları yaddaşlardan silinməyəcək.