Azərbaycan Respublikasının Prezidenti İlham Əliyevin siyasi fəaliyyəti
- 22-12-2024, 17:34
- Maraqlı
- 0
- 557
Hər bir xalqın,onun dövlətinin keçdiyi siyası yolu,əldə etdiyi uğurları,yaşadığı tarixi anları əks etdirən məqamlar var.Elə bir məqam ki,bir əsrdə iki dəfə müstəqillik qazanıb öz mübarizliyini,siyasi potensialını,zəngin dövlətçilik ənənələrini,misli olmayan milli dəyərlərini dünyaya nümayiş etdirə bilir.
Azərbaycan ilk müstəqilliyini 1918-ci ildə qazansa da,bu müstəqilliyin ömrü uzun sürməmişdir.Müəyyən səbəblərdən cəmi 23 ay davam edən müstəqilliyimiz süqut etmişdir.1991-ci ildə ikinci dəfə müstəqillik əldə edən Azərbaycan bu dəfə də bəzi problemlərlə üz-üzə qalmış sanki müstəqilliyi formal şəkildə bəyan etmişdir.Dövlətin möhkəmlənməsi,onun ictimai-siyasi dayaqlarının gücləndirilməsi,öz siyasi taleyini həll edib qüdrətli bir dövlətə şevrilməsi üçün bir liderə ehtiyacı vardı.Belə bir dönəmdə xalqa və ölkəyə rəhbərliyi öz çiyinlərinə götürən və bu yolda dayanmadan mübarizə aparıb ölkəni dirçəldən Ümummilli Lider Heydər Əliyev oldu.
Güclü,nüfuzlu,qətiyyətli,milli-mənəvi dəyərlərə əsaslanaraq siyasət yürüdən Heydər Əliyev siyasi məktəbinin layiqli davamçısı isə İlham Heydər oğlu Əliyev oldu.
İlham Əliyev Azərbaycana rəhbərlik etdiyi gündən bu günə kimi Heydər Əliyevin siyasətini uğurla davam etdirmiş,Azərbaycanın iqtisadi gücünün,siyasi nüfuzunun artmasına,beynəlxalq mövqeyinin möhkəmlənməsinə nail olmuşdur.
İlham Əliyev dayanıqlı,dinamik iqtisadi sistem formalaşdırmaq və inkişafın ardıcıllığını təmin etmək üçün qeyri-neft sektorunun yüksəlişini vacib amillərdən biri kimi müəyyənləşdirdi.
İlham Əliyevin siyasi fəaliyyətinin mühüm cəhətlərindən bir də Azərbaycanını ərazi bütövlüyünün təmin olunması üçün atılan addimlardır.Ulu Öndərimiz Heydər Əliyevin arzu və vəsiyyətini əməlləri ilə gerçəkləndirən İlham Əliyev doğma Azərbaycanımızı Qalib ölkəyə cevirmişdir.İndi əminliklə deyə bilərik ki,30 ilə yaxın davam edən münaqişəyə dəmir yumruqla son son nöqtəni qoymuşdur.Bu yolda xalq və onun lideri bir olub düşmən üzərində inamlı qələbəni qazanmışdır.Azərbaycan gənci öz liderinə inanaraq onun səsinə səs vermiş,bir gün belə olsun öz amalından dönməmişdir.Öz gücünü döyüş meydanında göstərən Azərbaycan əsgəri öz Prezidentinin dəstəyin hər addımda hiss etmiş,daim irəliyə can atmışdır.
Qalib xalqın qalib Prezidenti,azərbaycan xalqının əvəzsiz lideri İlham Əliyevin rəhbərliyi ilə bu gün Azərbaycan qarşısında daha geniş üfüqlər açılmaqdadır.Bir xalq kimi həmişə onun ətrafında sıx birləşərək daha böyük uğurlara imza atacağıq.
Abdullayev Mirtahir.
S.Xəlilov adına Qızılağac kənd 1 nömrəli tam orta məktəbin müəllimi.
