Masallıda “Sənətkar ömrü” adlı görüş keçirilib
- 21-09-2025, 09:17
- Maraqlı
- 0
- 190
Sentyabrın 19-da Masallı Tarix-Diyarşünaslıq Muzeyində muzeyin, Masallı Mərkəzləşdirilmiş Kitabxana Sisteminin birgə təşkilatçılığı və Masallı Dövlət Regional Kollecinin dəstəyi ilə “Sənətkar ömrü” adlı görüş keçirilib.
Tədbir rayonun tanınmış şəxsiyyətləri – şair, yazıçı, ifaçı, sənətkar və mədəniyyət xadimləri ilə keçirilən görüşlər silsiləsindən biri kimi təşkil olunub. Bu dəfəki görüş tanınmış televiziya rejissoru və aktyor Elçin Məmiyevlə baş tutub.
Tədbiri muzeyin direktoru Əntiqə Tağıyeva açaraq iştirakçıları salamlayıb, görüşün əhəmiyyəti və məqsədi barədə məlumat verib. Daha sonra muzeyin kiçik elmi işçisi Nazənin Heydərzadə aktyor Elçin Məmiyevin sənət yolu və yaradıcılığı haqqında məruzə ilə çıxış edib.
Masallı Mərkəzləşdirilmiş Kitabxana Sisteminin direktoru Zamin Məmmədov rejissorun çəkdiyi filmlərlə bağlı fikirlərini bölüşərək,filmlərin mövzu baxımından dərin məna daşıdığını qeyd edib.
Görüş interaktiv şəkildə davam etdirilib. İştirakçılar aktyora müxtəlif suallar ünvanlayıb, aktyor isə sualları səmimi və ətraflı şəkildə cavablandırıb.
Sonda Elçin Məmiyevə hədiyyələr təqdim olunub və xatirə şəkli çəkilib.
