Masallıda “Azərbaycan Televiziya və Radio Verilişləri” QSC-nin əməkdaşları tərəfindən rayonunun fəal nümayəndələri ilə görüş

10 oktyabr 2025-ci il tarixdə Masallı rayon Heydər Əliyev Mərkəzində Masallı Rayon İcra Hakimiyyətinin təşkilatçılığı ilə “Azərbaycan Televiziya və Radio Verilişləri” QSC-nin əməkdaşları tərəfindən tamaşaçı rəylərini yerində öyrənmək məqsədilə rayonunun fəal nümayəndələri ilə görüş keçirmişdir.

Görüşdə Masallı Rayon İcra Hakimiyyəti başçısı aparatının İctimai-siyasi və humanitar məsələlər şöbəsinin baş məsləhətçisi Nuranə Muradova, QSC-nin Analitik qrup rəhbəri Faiq Husiyev, Ekspert Sevda Ağazadə, Proqram direktoru Elməddin Quliyev, İdman kanalının şöbə rəisi Fikrət Adıgözəli, Radio verilişlərinin direktor müavini Nurlan Budaqov, Aparıcı Mümtaz Xəlilzadə iştirak etmişlər.

          

Tədbiri giriş sözü ilə açan Masallı  Rayon İcra Hakimiyyəti  başçısı aparatının İctimai-siyasi və humanitar məsələlər şöbəsinin baş məsləhətçisi Nuranə Muradova “Azərbaycan Televiziya və Radio Verilişləri” QSC-nin nəzdində fəaliyyət göstərən telekanalların efir göstəricilərini müəyyən etmək və yayımlanan verilişlərlə bağlı tamaşaçı rəylərini yerində öyrənmək məqsədilə əməkdaşların rayona ezam edildiyini tədbir iştirakçılarının nəzərinə çatdırdı.

         

Daha sonra Analitik qrup rəhbəri Faiq Husiyev görüşün məqsədi barədə geniş məlumat verərək ezam olunmuş əməkdaşları tədbir iştirakçılarına təqdim etdi, auditoriyada iştirak edənlərlərin təklif və tənqidlərini eşitməyə hazır olduqlarını bildirdi.

        

 Tədbir qarşılıqlı disskusiya şəkildə davam etdirildi. Çıxış edən “Masallı Ziyalıları” İctimai birliyinin sədri Qardaş Fətullayev, Rayon Ağsaqqallar Şurasının sədri Ələşrəf Niftiyev, Tarix-diyarşünaslıq Muzeyinin direktoru Əntiqə Tağıyeva, Şəhid Ailələri və Milli Qəhrəmanlar Birliyinin sədri Yavər Yusubov, Uşaq Gənclər İdman Şahmat Məktəbinin müəllimi Tünzalə Abuzərova, ağsaqqal ziyalı Ədalət Nemətov, Masallı Regional Kollecinin tələbələri Tahirə Məmmədova, Aytac  Qənbərli, Gənclərin İnkişaf və Karyera Mərkəzinin Masallı bölməsinin əməkdaşı Alsu Məsimova, Rayon Ağsaqqallar Şurasının Masallı şəhər üzrə nümayəndəsi Fəxrəddin Talıbov, Rayon Mərkəzi Kitabxanasının əməkdaşı Günay Xəlilova və N.Həsənov adına Göyəçöl kənd tam ümumtəhsil məktəbinin fiziki tərbiyə müəllimi Pərviz Pənalıyev tamaşaçı kimi rəy və təkliflərini bildirdilər. Verilən suallar isə rəyasət heyəti tərəfindən cavablandırıldı.

       

 Sonda xatirə şəkilləri çəkildi.