Bayraq – xalqın ruhu, millətin nəfəsi

Hər bir xalqın bir simvolu, bir nəfəsi olur. Azərbaycan xalqının nəfəsi isə üçrəngli bayrağımızdır!

Bu bayraq təkcə bir parça parça deyil — o, minlərlə şəhidin qanı ilə yoğrulmuş müqəddəs bir tarixdir. Onun hər dalğalanışı, hər qaldırılışı bir qələbə sədası, bir azadlıq hayqırtısıdır!

1918-ci ilin o şanlı günündə bu bayraq ilk dəfə ucalanda, sanki bütün Azərbaycan ayağa qalxmışdı. O zaman xalqımız azadlığın dadını duydu, müstəqilliyin nə demək olduğunu hiss etdi. Amma bu azadlıq asan gəlmədi. Minlərlə igid oğul, qəhrəman ana, qorxmaz əsgər bu bayrağın ucalması üçün canını fəda etdi.

Bayrağımızın mavi rəngi — türk köklərimizi, tariximizin dərinliyini, qırmızı rəngi — müasirliyimizi, inkişafa və elmə meylimizi, yaşıl rəngi isə — imanımızı, mənəvi təmizliyimizi, islam mədəniyyətinə bağlılığımızı əks etdirir.
Bu üç rəng bir yerdə xalqımızın ruhunu, qürurunu, sabaha olan inamını yaradır.

Bu gün hər bir azərbaycanlı üçün ən uca məqam odur ki, bayrağımızı qoruyur, ucaldır və ona layiq olur. O bayraq bizim başımızın tacıdır. O, sanki şəhidlərimizin səsi ilə dalğalanır:

 “Məni unutma, bayrağı enməyə qoyma!”

Hər dəfə bayrağımıza baxanda qəlbimizdə bir qürur alovu yanır. Çünki bilirik ki, bu bayraq Vətən deməkdir, Qəhrəmanlıq deməkdir, Azərbaycan deməkdir!
Və biz bu müqəddəs simvolu əbədi dalğalanan, ucalardan uca saxlamağa and içmişik.

Yaşasın Azərbaycan! Yaşasın üçrəngli, ay-ulduzlu bayrağımız!





Afət Bəşirzadə
шаблоны для dle 11.2