Dahi şairin şərəfinə
- 18-03-2019, 16:16
- Mədəniyyət
- 0
- 1 387
Nəsimi – 650
Dahi şairin şərəfinə
“Nəsimi ili” ilə əlaqədar Masallıda mütəmadi tədbirlər həyata keçirilir. Belə tədbirlərdən biri də şəhid Rafiq Əlihəsənov adına Masallı şəhər 1 nömrəli tam orta məktəbində olub.
Ədəbi-bədii kompozisiyalı tədbiri məktəbin direktoru Mirxanım Hüseynova açıb, ölkə Prezidenti cənab İlham Əliyevin Azərbaycanda ədəbiyyata, mədəniyyətə, milli dəyərlərə göstərdiyi qayğı və diqqətdən danışıb, 2019-cu ilin “Nəsimi ili” elan edilməsini bu sahəyə böyük diqqət kimi nümunə göstərib.Məktəbin tarix müəllimi Sahil Fərzullayev Nəsiminin həyat və yaradıcılığına səyahət edib, fəlsəfi və lirik şeirlər müəllifini Azərbaycanı dünyaya tanıdan şairlərdən olduğunu gündəmə gətirib.
Şagirdlərin ifasında laməkan şairin “Nəzər elə”, “Ağrımaz”, “Haradasan” və başqa qəzəlləri səslənib.Tədbiri yekunlaşdıran Əməkdar müəllim, “Tərəqqi” medallı Mirqabil Hüseynov əsrinin böyük mütəfəkkiri olan İmadəddin Nəsiminin əsərlərindəki incə məqamlardan danışıb.
“Yeni həyat”,
www.yeniheyet.az
