Masallı rayon Mərkəzi Kitabxanasında kitab təqdimatı və şəhid anası ilə görüş

7-08-2021, 16:08
Mədəniyyət

Masallı rayon Mərkəzi Kitabxanasında kitab təqdimatı və şəhid anası ilə görüş

Masallı rayon Mərkəzi Kitabxanasında yazıçı, tanınmış jurnalist Gülsüm Adilqızı və şəhid anası Ziba Əsgərli ilə görüş keçirilib.
İlk öncə şəhidlərimizin əziz xatirəsi bir dəqiqəlik sükutla yad edilib.
Kitabxana direktoru Əlhəddin Nəzərov yazıçı Gülsüm Adilqızınının Vətən müharibəsi şəhidləri haqqında yazdığı silsilə kitablar haqqında məlumat verib, bu əsərlərin müəllifin gərgin və fasiləsiz apardığı araşdırmaların, yaradıcılıq axtarışlarının nəticəsi oluğunu bildirib.

Gülsüm Adilqızı 44 günlük Vətən müharibəsi qəhrəmanlarının şücaətindən, Ali Baş Komandan İlham Əliyevin məqsədyönlü, uzaqgörən və qətiyyətli siyasəti, vaxtında verilmiş çevik qərarları nəticəsində işğal altında olan torpaqlarımızın azad olunmasından danışıb. O,bu kitabları yazarkən heç bir təmanna güdmədiyini, bununla vətən, millət və şəhidlərin ruhu qarşısında öz mənəvi borcunu qismən də olsa yerinə yetirdiyini diqqətə çatdırıb.
Kitabda Viləş kəndindən olan Aprel şəhidi Nurlan Əsgərli və II Qarabağ müharibəsi şəhidi, Vətən Müharibəsi Qəhrəmanı İntiqam Əsgərli haqqında geniş yazı verilib. Burada qardaşların həyat və döyüş yolu işıqlandırılıb, onların qəhrəmanlıqlarını əks etdirən şəkillərdən geniş istifadə olunub.

Şəhid qardaşların anası Ziba Əsgərli oğlanlarına uşaq yaşlarından vətənpərvərlik ruhu, torpağa, el-obaya məhəbbət hissləri aşıladığnı, onları ləyaqətli vətəndaş, Vətənə layiqli bir əsgər kimi yetişdirdiyini bildirib, şərəfli döyüş yollarından bəhs edib.
Tədbirə canlı telefon bağlantısı ilə qatılan şair-publisist Sultan Orucoğlu redaktoru oldduğu kitab haqqında maraqlı fikirlərini, təssüratlarını bölüşüb.
Sonda xatirə şəkilləri çəkilib.

www.yeniheyet.az