Birincilərin Novruz şənliyi
- 16-03-2018, 22:37
- Mədəniyyət
- 0
- 1 990
Birincilərin Novruz şənliyi
Martın 16-da RəhimTağıyev adına Masallı Tarix Diyarşünaslıq Muzeyində “Elimizə bahar gəlir” adlı Novruz şənliyi keçirilib.
Şənlikdə Masallı şəhər 1 nömrəli tam orta məktəbinin 1-ci sinif şagirdləri iştirak ediblər.
Muzey əməkdaşlarının dəstəyilə düzənlənən tədbirin məqsədi uşaqlara bayram sevinci yaşatmaq, milli dəyərlərimizi, Novruz adət-ənənələrini təbliğ etməkdir.
Qeyd olunub ki, Novruz bayramı əslində yazın, baharın ilk günü, təbiətin canlanması, torpağın oyanması günüdür.
Novruz atributları şənliyə xüsusi ovqat qatıblar. Keçəl və Kosa, eləcə də Bahar qızı maraqlı çıxışları ilə balacaları əyləndiriblər.
Uşaqlar şeirlər söyləyib, mahnılar oxuyub, rəqs ediblər.
“Yeni həyat”,
www.yeniheyet.az
