Masallıda Bayraq Günü qeyd edilib
- 9-11-2021, 17:24
- Siyasət
- 0
- 395
Masallıda Bayraq günü qeyd edilib9 Noyabr – Azərbaycan Respublikasının Dövlət Bayrağı Günü münasibətilə Masallı Rayon İcra Hakimiyyətinin, rayon Gənclər və İdman İdarəsinin və “Masallı Gənclər evi” sosial xidmət müəssisəsinin birgə təşkilatçılığı ilə Masallı şəhər Bayraq Meydanında bir qrup fəal gəncin iştrakı ilə tədbir keçirilib.
Yeniheyet.az xəbər verir ki, tədbir öncəsi Azərbaycanın ərazi bütövlüyü uğrunda canından keçmiş şəhidlərin xatirəsi bir dəqiqəlik sükutla yad edilib.
Sonra aktyor Cəmaləddin Əliyevin rəhbərliyi, tələbələrin iştirakı ilə hazırlanmış ədəbi-bədii kompozisiya nümayiş olunub.
Tədbir iştirakçıları Azərbaycan Dövlət Rəmzləri Muzeyi ilə tanışlıqdan sonra xatirə şəkilləri çəkdiriblər.
www.yeniheyet.az
