• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Şəhid zabitimiz Anar Novruzovla Masallıda vida mərasimi keçirildi

    Şəhid zabitimiz Anar Novruzovla Masallıda vida mərasimi keçirildi

    Şəhid zabitimiz Anar Novruzovla Masallıda vida mərasimi keçirildi

    Vətən torpağını ona halal etdi

    İyulun 13-dən 14-nə keçən gecə və səhər saatlarında Azərbaycan-Ermənistan dövlət sərhədinin Tovuz rayonu sahəsində şiddətli döyüşlər davam edib. Tovuz rayonu istiqamətində gedən döyüşlər zamanı bölmələrimizin gördüyü cavab tədbirləri nəticəsində böyük itkilər verən düşmən geri çəkilməyə məcbur olub.
    Döyüş zamanı düşmən hücumunun qarşısını alarkən Azərbaycan Ordusunun zabiti, Masallı rayonunun Ərkivan qəsəbə sakini, 1976-cı il təvəllüdlü mayor Novruzov Anar Gülverdi oğlu şəhid olub.
    İyulun 14-də Vətən torpaqlarının ərazi bütövlüyü uğrunda qəhrəmancasına şəhid olan hərbçimizin nəşi doğulduğu ünvana gətirilib.
    Şəhidin cənazəsini böyük izdihamla qarşılayan rayon sakinləri yollara çıxaraq ehtiramlarını bildirdilər.
    Şəhid hərbçi Ərkivan qəsəbəsindəki qəbiristanlıqda torpağa tapşırıldı.
    Dəfn mərasimində Masallı Rayon İcra Hakimiyyətinin başçısı Şahin Məmmədov və aparatının məsul işçiləri, Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, hüquq-mühafizə orqanlarının əməkdaşları, Milli Məclisin deputatları Məşhur Məmmədov, Anar İsgəndərov, Cavanşır Paşazadə, Musa Qasımlı, İqbal Məmmədov, Razi Nurullayev, qəsəbə sakinləri, rayon ictimaiyyəti və KİV nümayəndələri, şəhidin doğmaları və hərbçi yoldaşları iştirak edirdi.
    Hazırkı pandemiya dövründə insanların təhlükəsizliyi nəzərə alınaraq dəfndə iştirak edən insanlara qoruyucu vasitələri paylanıldı.
    Son mənzilə aparılan şəhidi yol kənarlarında toplaşan minlərlə insan üçrəngli Vətən bayrağı ilə qarşılayıb, gül dəstələri ilə yola salırdı.
    Əsl ümumxalq, ordu birliyinin təntənəsinə, xalqımızın ölkə başçısı ətrafında daha sıx birləşməsinin ifadəsinə çevrilən bu vida mərasimində vətənpərvərlik, qəhrəmanlıq şüarları səslənirdi. Bu birlik nümayişi ilə minlərlə masallılının ölkə başçısının əmri ilə işğal olunmuş torpaqlarımızın hər an azad etməyə hazır olduqları ifadə olunurdu.

    Vida mərasimində çıxışına “Qisas andımızdır!” ifadəsi ilə başlayan Masallı Rayon İcra Hakimiyyətinin başçısı Şahin Məmmədov şəhidin ailəsinə dərin hüznlə başsağlığı verərək bildirdi ki, torpaqlarımızın müdafiəsi uğrunda şəhid olmuş bütün əsgərlərimizin qisası güclü və qüdrətli ordumuz tərəfindən düşməndən alınır. Bu gün Masallı 178-ci şəhid övladını torpağa tapşırır. Düşmən təxribatının qarşısını alarkən həyatını itirmiş cəsur həmyerlimiz Anar Novruzov izdihamla, son mənzilə yola salınır. Uğrunda canlar fəda edilən bu torpaq daha bir oğlunu qoynuna aldı. Vətən, torpaq sevgisi onu şəhidlik zirvəsinə ucaltdı. Vətənpərvərliyin ən ali məqamına yetişdi Anar.
    Bu qürurlu gündə gənclərimizi Anar kimi qəhrəmanlarımızdan nümunə götürməyə çağırıram.
    Sinəsini Ana Vətənimizə sipər edib məkrli düşmənə layiqli cavab verən şəhid mayorumuz Anar Novruzov kimi Azərbaycan oğlanlarının xatirəsi qədirbilən xalqımızın yaddaşında əbədi yaşayacaq!
    Eşq olsun əbədiyaşar Azərbaycan əsgərinə!
    Eşq olsun müzəffər Azərbaycan ordusuna!
    Millət vəkili Anar İsgəndərov çıxışında torpağımızın Anar kimi oğulların qanı ilə Vətən olduğunu vurğuladı: Tarix boyu həmişə şərəfli qəhrəmanlıq tarixi ilə öyünməyə haqqı olan Masallı, tarixi qədim Ərkivan millət uğrunda can verdiyi torpağa tapşırılan igid övladına vida borcunu verməyə gəlib. Hər birimiz müstəqilliyimiz və ərazi bütövlüyümüz uğrunda mübarizə aparan, xalqın azadlığını hər şeydən uca tutaraq şəhidlik məqamına ucalanların xatirəsini anmağa həmişə borcluyuq. Çünki bizlərdən ötrü canlarından keçən bu Vətən övladları sonsuz ehtirama, sevgi və məhəbbətə layiqdirlər.

    Sucəddin Novruzov şəhid qardaşı ilə fəxr etdiyini bildirdi: “Torpaqlarımızın bütövlüyü naminə şəhid olmaqdan çəkinməyən ürəkli bir gənc idi Anar. O, müqəddəs arzusuna çatdı. Qürurlanıram ki, Anar təkcə mənim deyil, hər bir soydaşımızın qardaşına çevrildi.”
    Şəhidin bacısı qızları - hərbçi Afaq və Səbirə Məmmədova bacıları, döyüşçü dostları şəhidə rəhmət dilədilər, əziz xatirəsinin daim qəlblərdə yaşayacağını bildirdilər, son damla qana qədər vuruşacaqlarına, şəhidlərimizin, Anarın qisasını alacaqlarına söz verdilər.
    Çıxış edənlər qüdrətli Azərbaycan Ordusunun düşmənə hər an tutarlı zərbə vurmağa hazır olduğunu, hərbçilərimizin, xalqımızın Respublika Prezidenti, Ali Baş Komandan İlham Əliyevin ətrafında sıx birləşdiyini diqqətə çatdırdılar.
    Ruhuna dualar oxunduqdan sonra şəhid mayorun nəşi uğrunda canından keçdiyi torpağa tapşırıldı.
    Şəhid mayorun tabutuna bükülmüş müqəddəs Azərbaycan Bayrağı əbədi olaraq saxlamaq üçün 13 yaşlı oğlu Hihada təhvil verildi.

    Qeyd edək ki, Anar Novruzov 12 may 1976-cı ildə Masallı rayonunun Ərkivan kəndində (Abaslı məhəlləsində) anadan olub. 7 bacı, 3 qardaşın sonbeşiyi idi. 1993-cü ildə Cəfər Cabbarlı adına Ərkivan kənd 1 nömrəli tam orta məktəbini, 1999-cu ildə isə Azərbaycan Ali Hərbi Məktəbini bitirib. 1994-1995-ci illərdə döyüş bölgələrində hərbi xidmətdə olub. Həmin vaxtdan son günədək ən qaynar döyüş bölgələrində olub, Vətənə xidməti borcunu ödəyib. Siyasi işlər üzrə Tabur komandirinin müavini vəzifəsinə kimi yüksəlib. Ermənistan ordusunun kabusuna çevrilən “Akula” ləqəbli kəşfiyyatçısı Anar Novruzov 25 il idi torpaqlarımızın keşiyində dayanırdı.
    Ana Vətən haqqın dərgahına qovuşan bu igid zabitimizi son mənzilə şəhid adına layiq şəkildə yola saldı.
    Ailəli idi, bir qız, bir oğlan övladı yadigar qaldı.
    ...Qəlbimizi dağa döndərən, riqqətə gətirən bu izdihamlı vida mərasimi sərhədlərimizin toxunulmazlığı üçün ayıq-sayıq dayanan bir əsgərin son yolçuluğu idi. Bu, Anar Novruzovun müqəddəs və şərəfli həyat yoludur.

     
     
    Əlihüseyn ŞÜKÜROV,
    Akif AĞAYEV,
    “Yeni həyat”,      
    www.yeniheyet.azшаблоны для dle 11.2
    DİGƏR XƏBƏRLƏR
    XƏBƏR LENTİ
    1. 10:31 Maliyyə göstəricisi
    2. 20:00 Masallı RİH Başçısı 28.03.2024-cü il tarixdə Böyük Kolatan ərazisinin sakinləri ilə görüşdü
    3. 16:30 Masallıda iftar süfrəsi
    4. 21:18 Azərbaycan Prezidentinə yazırlar
    5. 17:08 Masallı RİH Başçısı 27.03.2024-cü il tarixdə Sərçuvar ərazisinin sakinləri ilə görüşdü
    6. 16:49 Prezident İlham Əliyevin cari ilin 18 mart tarixində Xankəndi şəhərində Azərbaycan xalqını Novruz bayramı münasibətilə təbriki ilə əlaqədar
    7. 11:35 Şəhid Sahil Babayevin doğum günü qeyd edilib
    8. 16:47 Xankəndi şəhərində Azərbaycan xalqını Novruz bayramı münasibətilə Prezident İlham Əliyev təbriki etmişdir
    9. 23:30 Novruz Qarabağa xalqımızla qayıtdı
    10. 16:27 "Erkən nikah və onun fəsadları" mövzusunda dəyirmi masa
    11. 16:20 Masallıda ənənəvi Novruz yardımı
    12. 12:14 Azərbaycan-NATO tərəfdaşlığının 30 ildən artıq davam edən uzun tarixi var
    13. 12:06 Gürcüstan Azərbaycan üçün önəmli ölkədir və eyni zamanda, Azərbaycan da Gürcüstanın strateji tərəfdaşıdır
    14. 23:59 Novruz «təzə il» deməkdir !
    15. 23:00 Bu gün hər iki ölkə birgə səylərlə bölgə üçün və böyük mənada Avrasiya üçün də önəmli ölkələrə çevrilib
    16. 22:30 Biz sülhə heç vaxt olmadığımız qədər yaxınıq
    17. 21:00 Novruz bayramı və rəmzləri
    18. 17:04 Novruz bayramı münasibətilə Azərbaycan xalqına təbrik
    19. 16:59 Masallıda “Sağlam, sosial və təhlükəsiz mühitin formalaşması” adlı silsilə təlimlər
    20. 16:55 Masallıda “Heydər Əliyevin 100 illiyi (1923-2023)” yubiley medalı ilə təltif olunanların medallarının təqdim olunması
    21. 16:30 Novruz-Azərbaycan xalqının milli bayramıdır
    22. 12:30 Ulu Öndər Heydər Əliyevin Azərbaycan qarşısındakı misilsiz xidmətlərindən biri də Novruzun yenidən xalqımıza qaytarılması olub
    23. 11:07 Bakı növbəti dəfə qlobal müzakirələrin platformasına çevirilib
    24. 23:30 Vətən müharibəsi bir daha sübut etdi ki, Azərbaycan Ordusu Cənubi Qafqazın ən qüdrətli ordusudur
    25. 23:30 Rayon rəhbərinin 15 mart 2024-cü il tarixdə növbəti vətəndaş qəbulu
    26. 00:33 Novruz bizim ən qədim milli bayramımızdır
    27. 19:01 “Narkomaniyaya qarşı mübarizə sağlam həyata təminatdır”
    28. 18:58 Masallı rayonunda «Aqrar biznes festivalı» keçirilib
    29. 13:37 Prezident İlham Əliyev Alman İqtisadiyyatını Şərq Komitəsinin Sədri Mixael Harmsın rəhbərlik etdiyi nümayəndə heyəti ilə görüşmüşdür
    30. 13:16 Bizim üçün qardaş ölkə, strateji tərəfdaş və müttəfiq olan Qazaxıstanın Prezidentinin dövlət səfərinə böyük əhəmiyyət veririk
    31. 18:01 Kənd təsərrüfatı nazirinin müavini İlhamə Qədimova Masallıda vətəndaşlarla görüşəcək
    32. 14:30 Avropa reallığı dərk etməlidir
    33. 14:13 Ölkələrarası əlaqələrin inkişafına böyük töhfələr verən Azərbaycan
    34. 23:30 Azərbaycan Respublikasının Prezidenti İlham Əliyev və Qazaxıstan Respublikasının Prezidenti Kasım-Jomart Tokayev mətbuata bəyanatlarla çıxış ediblər
    35. 23:30 Prezident İlham Əliyevi Alman İqtisadiyyatının Şərq Komitəsinin sədri Mixail Harmsın rəhbərlik etdiyi nümayəndə heyəti ilə görüşmüşdür
    36. 20:11 Güllütəpə ərazisində ağacəkmə kampaniyası keçirildi
    37. 12:18 Özünü əsgərlərinə sipər edən zabit
    38. 12:54 Ölkəmizdə apardığı islahatlar Azərbaycanı daha da gücləndirir
    39. 12:44 Azərbaycan Prezidentinə yazırlar
    40. 12:40 Qəhrəmanların ömür yolu əbədidir
    «    Mart 2024    »
    BeÇaÇCaCŞB
     123
    45678910
    11121314151617
    18192021222324
    25262728293031
    DÜNYA XƏBƏRLƏRİ