Masallıda barama mövsümünə start verildi
- 19-05-2025, 19:11
- İqtisadiyyat
- 0
- 202
Son illərdə Masallı rayonunda barama istehsalına göstərilən diqqət nəticəsində bu sahəhədə əhəmiyyətli artım müşahidə olunur. Belə ki, məhsuldarlığın artırılması məqsədilə Çin Xalq Respublikasından rayona 60 min tut ağacı gətirilmişdir. Masallı Rayon İcra Hakimiyyətinin başçısının rəhbərliyi və tapşırığı əsasında rayonda barama istehsalının artırılması üçün vaxtında lazımı tədbirlər həyata keçirilmiş və nəticədə 2024-cü ildə barama istehsalı 3886 kiloqrama çatdırılaraq böyük naliyyət eldə edilmişdir.
2025-ci ildə Masallı rayonunda barama mövsümünün başlanması ilə əlaqədar kümçülərə 90 qutu barama qurdu paylanılmışdır.
Qeyd edirik ki, kümçülərlə imzalanan müqaviləyə əsasən, istehsal olunmuş yaş barama «Azəripək» MMC tərəfindən təhvil alınır, hər kiloqram yaş baramaya görə subsidiya ödənilir.
Onu da xüsusi vurğulamaq lazımdır ki, baramaçılığın inkişafına göstərilən dövlət dəstəyi regionlarda yaşayan əhalinin məşğulluğunun artırılmasına, onların sosial rifahının yüksəldilməsinə xidmət edir.
