• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Regional ədliyyə idarələrinin fəaliyyətinin 15 ili

    Regional ədliyyə idarələrinin fəaliyyətinin 15 ili


    Ulu Öndər Heydər Əliyevin dövlət quruculuğu xəttini uğurla davam etdirən İlham Əliyevin ölkə Prezidenti kimi fəaliyyət göstərdiyi illər ərzində qəbul edilmiş  qanun, qərar və fərmanlar ədliyyənin inkişafına yeni imkanlar yaratmışdır. Belə ki, Azərbaycan Respublikası Prezidentinin “Ədliyyə orqanlarının inkişafı haqqında” 17 avqust 2006-cı il tarixli Fərmanı ilə əhalinin hüquq institutlarına və hüquqi yardıma tələbatının ödənilməsi, habelə yerlərdə ədliyyə orqanlarının fəaliyyətinin əlaqələndirilməsi, onlara nəzarətin gücləndirilməsi, bələdiyyələrin faəliyyətinə inzibati nəzarətin səmərəsinin artırılması üçün regional ədliyyə şöbələrinin yaradılması nəzərdə tutulmuşdur.  Bununla əlaqədar qeyd edilən məsələ nazirliyin kollegiya iclasında müzakirə edilmiş və Ədliyyə nazirinin 25 iyun 2007-ci il tarixli 29-T nömrəli Əmri ilə  yerlərdə ədliyyə orqanlarının işinin əlaqələndirilməsi, onlara nəzarətin gücləndirilməsi, əhalinin ədliyyə orqanlarına müraciət etmə imkanlarının asanlaşdırılması, bələdiyyələrin fəaliyyətinə inzibati nəzarətin səmərəsinin artırılması üçün 10 regional ədliyyə şöbəsi (Gəncə, Sumqayıt, Şirvan, Bərdə, İmişli, Göyçay, Lənkəran, Xaçmaz, Şəki və Şəmkir) yaradılmış və Ədliyyə Naziri cənab Fikrət Məmmədovun 8 oktyabr 2007-ci il tarixli, 38-T nömrəli əmri ilə “Regional ədliyyə şöbələri haqqında” Nümunəvi Əsasnamə təsdiq edilmişdir. Həmin Əsasnamədə ümumi müddəalar, regional şöbələrin fəaliyyət istiqamətləri, vəzifələri, hüquqları və fəaliyyətinin təşkili öz əksini tapmışdır.

    Azərbaycan ədliyyəsinə daim yüksək diqqət və qayğı göstərən dövlət başçısı tərəfindən Ədliyyə Nazirliyinin təklifləri əsasında “Ədliyyə orqanlarının inkişafı haqqında” Fərmana edilmiş dəyişikliklər regional qurumların statusunun yüksəldilməsinə imkan yaratmışdır. Belə ki, “Regional ədliyyə qurumlarının fəaliyyətinin təkmilləşdirilməsi üzrə əlavə tədbirlər barədə” Ədliyyə nazirinin 01 fevral 2017-ci il tarixli 1-T nörməli Əmri ilə Ədliyyə Nazirliyi üzrə “Regional ədliyyə şöbələrinin yaradılması haqqında” 25 iyun 2007-ci il tarixli 29-T nömrəli əmrdə müvafiq dəyişiklik edilərək, regional ədliyyə şöbələri regional ədliyyə idarələri adlandırıldı və əlavə ştat vahidləri təsis edildi.

    Ali Baş Komandan cənab İlham Əliyevin qəti iradəsi və müdrik xarici siyasəti, qüdrətli Azərbaycan Ordusunun qəhrəmanlığı, xalqımızın həmrəyliyi nəticəsində 44 günlük Vətən Müharibəsi qələbə ilə nəticələndi. 30 il sonra işğal altında qalan torpaqlarımız azad olundu, ərazi bütövlüyümüz bərpa edildi. Müharibədən sonrakı yeni mərhələdə Dövlət başçısının tapşırıqlarına uyğun olaraq azad edilmiş ərazilərdə ədliyyə və məhkəmə fəaliyyətinin bərpa olunması, bu orqanların infrastrukturunun yaradılması, onların işinin təşkili üzrə zəruri tədbirlərin görülməsi Ədliyyə Nazirliyinin qarşında duran mühüm vəzifəyə çevrilmişdir.
    “İşğaldan azad olunmuş ərazilərdə müvəqqəti xüsusi idarəetmənin təşkili haqqında” ölkə başçısının Fərmanı ilə əlaqədar Ədliyyə Nazirliyi tərəfindən müvafiq addımlar atılmış, qarşıda duran vəzifələrin mütəşəkkil və operativ icrasının təmin olunması məqsədilə nazirliyin rəhbərliyindən və aidiyyəti məsul şəxslərindən ibarət Qərargah yaradılmışdır. İşğaldan azad olunmuş ərazilərdə ədliyyə orqanlarına əlçatanlığın təmini məqsədilə Ədliyyə nazirinin 12 noyabr 2020-ci tarixli müvafiq əmri ilə Ədliyyə Nazirliyinin Qarabağ Regional Ədliyyə İdarəsi təsis olunmuşdur. Qarabağ Regional Ədliyyə İdarəsinin yurisdiksiyasına Xankəndi şəhəri, Şuşa, Zəngilan, Xocavənd, Xocalı, Qubadlı, Laçın, Ağdam, Cəbrayıl Füzuli və Kəlbəcər rayonları daxil edilmişdir.

    Regional ədliyyə idarələrinin faəliyyəti nəticəsində yerli ədliyyə qurumları ilə işin səmərəliliyi artırılmış, idarəetmədə çeviklik və əhaliyə keyfiyyətli hüquqi yardımın göstərilməsi təmin olumuş, vətəndaşların ədliyyə orqanlarına əlçatanlıq imkanları xeyli yaxşılaşdırılmışdır.
    Yerli ədliyyə qurumlarının işinin əlaqələndirilməsi və digər mühüm funkisiyaların həyata keçirilməsində regional ədliyyə idarələrinin fəaliyyətini daha da gücləndirilməsinə zərurət yaranmışdır.  
    Bu məqsədlə Azərbaycan Respublikası Ədliyyə Nazirliyi Kollegiyasının 19 aprel 2022-ci il tarixli 4-N №-li qərarı ilə “Azərbaycan Respublikası Ədliyyə Nazirliyinin Regional ədliyyə idarələri haqqında Əsasnamə” təsdiq edilmiş, həmin Əsasnamədə regional idarənin aşağıdakı fəaliyyət istiqamətləri göstərilmişdir:
    - müvafiq ərazi vahidlərində aşağıdakı ədliyyə qurumlarının işini əlaqələndirir və onların fəaliyyətinə nəzarət edir:
    1. qeydiyyat şöbələrinin, onların bölmələrinin;
    2. icra xidmətinin idarə və şöbələrinin;
    3. probasiya xidmətinin idarə və şöbələrinin;
    4. Məhkəmə Ekspertizası Mərkəzinin regional bölmələrinin;
    5. notariat ofislərinin;
    - penitensiar müəssisələrin cəzaların icrası sahəsindəki fəaliyyətini öyrənir, nəzarət funksiyalarını həyata keçirir.
    - bələdiyyələrin fəaliyyətinin təşkil edilməsinə kömək və onlara metodoloji yardım göstərilməsi üzrə tədbirlər görür və onların fəaliyyətinə inzibati nəzarəti həyata keçirir;
    -  Nazirliyin səlahiyyətlərinə aid edilmiş cinayətlər üzrə ibtidai istintaqı aparır;
    - mülki, ailə və cinayət işləri üzrə qarşılıqlı hüquqi yardımın göstərilməsində iştirak edir;
    -  Bu Əsasnamə ilə müəyyən edilmiş hallarda müvafiq məhkəmələrlə iş aparır;
    - yerli ədliyyə qurumlarının və müvafiq məhkəmələrin informasiya texnologiyaları üzrə məsələlərinin həllində iştirak edir və bu sahədə işi Nazirliyin İnformasiya-kommunikasiya texnologiyaları idarəsi ilə əlaqələndirir;
    -  kommunikasiya strategiyasının həyata keçirilməsində iştirak edir;
    -  qanunvericiliklə müəyyən edilmiş digər istiqamətlərdə fəaliyyət göstərir.
    Hazırda respublika üzrə Ədliyyə Nazirliyinin on bir regional idarəsi fəaliyyət göstərir. Lənkəran Regional Ədliyyə İdarəsinin ərazi yurisdiksiyasına Lənkəran, Lerik, Astara, Masallı, Yardımlı və Cəlilabad rayonları daxildir. Ədliyyə Nazirliyi rəhbərliyinin diqqət və qayğısı sayəsində idarənin tam fəaliyyət göstərməsi üçün hər cür şərait yaradılaraq idarə inzibati bina və zəruri inventar və avadanlıqlarla təmin olunmuş, təcrübəli kadrlarla komplektləşdirilməsi istiqamətində zəruri işlər görülmüşdür.
    Sonda qeyd edirəm ki, müvafiq qanunları, nazirlik üzrə əmr və göstərişləri, idarənin Əsasnaməsini əsas götürərək idarəmizin kollektivi üzərinə düşən vəzifələri bundan sonra da böyük məsuliyyət hissi ilə yerinə yetirməyə, bizə göstərilən etimadı layiqincə doğrultmağa, dövlətçiliyimizin daha da möhkəmləndirilməsi naminə çalışacaqdır.



    Aqil Salmanov,
    Lənkəran Regional Ədliyyə İdarəsinin aparıcı məsləhətçisi,
    I dərəcəli ədliyyə qulluqçusu.




    “Yeni həyat” qəzeti
    www.yeniheyet.az
    шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 20:36 Taekvondo üzrə ölkə kubokunun açılış mərasimi - Masallıda
    2. 19:40 Xocalı faciəsinin 32 ildönümü ərəfəsində Xocalı ailəsi ilə görüş
    3. 19:38 Fövqəladə Hallar naziri Masallıda vətəndaşları qəbul edib
    4. 22:30 “Xocalı naləsi” – Masallı Mədəniyyət Mərkəzinin səhnəsində
    5. 19:06 Rayon rəhbərinin 23 fevral 2024-cü il tarixdə növbəti vətəndaş qəbulu
    6. 15:12 “Xocalı – qan yaddaşımız” – Masallıda tədbir
    7. 18:11 Masallı RİH Başçısı 22.02.2024-cü il tarixdə Sığdaş ərazisinin sakinləri ilə görüşdü
    8. 16:28 Şəhid ailəsini ziyarət ediblər
    9. 16:26 Mədəniyyətə xidmətdə keçən 46 il
    10. 16:23 Masallıda orta aylıq əmək haqqı 10,5 faiz artmışdır
    11. 16:21 “Erkən nikahın fəsadları” – Masallıda maarifləndirici tədbir
    12. 13:47 Prezident İlham Əliyevin cari ilin 19 fevral tarixində Türkiyənin paytaxtı Ankarada rəsmi səfəri zamanı mətbuata verdiyi bəyanatla bağlı
    13. 11:20 “Kənddən Şəhərə” həftəsonu yarmarkası təşkil olunacaq
    14. 08:47 Masallı məktəblərində Beynəlxalq Ana Dili Günü qeyd olunub
    15. 21:00 Birlik və həmrəyliyin zirvəsi
    16. 14:57 Masallının Ulum və Dico kəndləri elektrik enerjisi ilə təmin olunacaq
    17. 10:00 21 Fevral - Beynəlxalq Ana Dili Günüdür
    18. 23:00 İlham Əliyevin prezident seçilməsindən sonra ilk rəsmi xarici səfər
    19. 19:33 Azərbaycan Prezidentinə yazırlar
    20. 19:23 Masallı RİH Başçısı 20.02.2024-cü il tarixdə Musakücə ərazisinin sakinləri ilə görüşdü
    21. 19:00 Xilasedicilərin bilik və bacarıqlarının artırılması məqsədilə təlim
    22. 18:57 Ağacəkmə aksiyası – Masallıda
    23. 18:47 Azərbaycan Prezidentinə yazırlar
    24. 16:39 Azərbaycan Prezidentinə yazırlar
    25. 16:37 Azərbaycan Prezidentinə yazırlar
    26. 16:34 Dünya şöhrətli cərrah
    27. 16:32 Ürəklərdə yaşayan yazıçı-jurnalist
    28. 16:30 Arzu Bağırova kitabxanaya dəstək göstərdi
    29. 16:26 Dahiləri bir də belə tanıyaq!
    30. 10:31 Qocaman müəllimə Azərbaycan Ağsaqqalar Şurasının Fəxri fərmanı təqdim edilib
    31. 09:08 Xalq Qalib Liderini seçməklə bütün dünyaya mesaj göndərdi
    32. 21:00 Qarabağ və Şərqi Zəngəzurun bərpası dövlətimizin əsas prioritetlərindəndir
    33. 19:32 Milli Qəhrəman Səfəralı Məmmədovun xatirəsi anılıb  
    34. 16:21 Elan!
    35. 15:01 Rayon rəhbərinin 16 fevral 2024-cü il tarixdə növbəti vətəndaş qəbulu
    36. 23:30 Masallı Rayon Polis Şöbəsində DİN-in Polis Akademiyasına qəbul üçün müraciət edən abituriyentlər və onların valideynləri ilə görüş keçirilib.
    37. 23:00 Heydər Əliyevin dəmir iradəsi ilə İlham Əliyevin “dəmir yumruğ”u bir-birini tamamlayır!
    38. 17:14 Masallı şəhərində abadlıq-quruculuq işləri geniş vüsət alıb
    39. 17:11 Masallı RİH Başçısı 14.02.2024-cü il tarixdə Köhnə Alvadı ərazisinin sakinləri ilə görüşdü
    40. 12:26 Konstitusiya Məhkəməsi Azərbaycan Respublikası Prezidenti seçkilərinin yekunlarını elan edib
    «    Fevral 2024    »
    BeÇaÇCaCŞB
     1234
    567891011
    12131415161718
    19202122232425
    26272829 
    DÜNYA XƏBƏRLƏRİ