Prezident İlham Əliyevin III Şuşa Qlobal Media Forumunda çıxış etmişdir

21-07-2025, 23:00
Maraqlı

2025-ci ilin iyul ayında Şuşada keçirilən III Qlobal Media Forumu, Azərbaycanın

informasiya siyasətində və beynəlxalq informasiya mübadiləsində mühüm

mərhələlərdən biri olmuşdur. Prezident İlham Əliyevin forumda çıxışı zamanı toxunduğu əsas məsələlər həm regional, həmdə qlobal səviyyədə diqqət çəkmişdir.

Prezident İlham Əliyev postmünaqişə dövründə Qarabağ və Şərqi Zəngəzurda görülən bərpa-quruculuq işlərini vurğuladı. Şuşanın yenidən dirçəlməsi Azərbaycanın mədəni irsinə və informasiya suverenliyinə verilən önəmin göstəricisidir. O, medianın müasir çağırışlara cavab verməsinin vacibliyini qeyd etdi.

Qərb mediasında müşahidə olunan ikili standartlara diqqət çəkərək obyektiv və qərəzsiz informasiya yayımının əhəmiyyətini vurğuladı. Prezident, Azərbaycanın söz və mətbuat azadlığına verdiyi dəyəri və bu sahədəki qanunvericilik islahatlarını qeyd etdi. Forumun qlobal media dialoquna töhfə verdiyini və Azərbaycanın bu sahədə etibarlı tərəfdaş olduğunu bildirdi.

Prezident İlham Əliyevin çıxışı informasiya təhlükəsizliyi, milli maraqlar və beynəlxalq əməkdaşlıq mövzularında strateji baxışın ifadəsi kimi qiymətləndirilə bilər. III Şuşa Qlobal Media Forumu Azərbaycanı beynəlxalq media məkanında mühüm mərkəzlərdən birinə çevirməyə yönəlmiş addımların davamı kimi tarixə düşdü.

Dünyanın müxtəlif regionlarını əhatə edən iştirakçılar arasında beynəlxalq xəbər agentliklərinin rəhbərləri, tanınmış media ekspertləri, jurnalist təşkilatları və rəqəmsal platformaların təmsilçiləri yer aldı. Bu, tədbirin qlobal informasiya gündəminin formalaşmasında nə qədər nüfuzlu mövqe tutduğunun sübutudur. Cənab Prezident İlham Əliyevin iştirakının mahiyyəti isə olduqca böyük idi. Qəsası, forumun ən mühüm və diqqət çəkən hissəsi Azərbaycan Prezidenti cənab İlham Əliyevin moderatorluq etdiyi sessiya oldu. O, jurnalistlərin ən aktual, bəzən isə həssas və mürəkkəb suallarını səmimiyyətlə, analitik əsaslandırma ilə cavablandıraraq, Azərbaycanın daxili və xarici siyasətinə dair mühüm mesajlar verdi.

Cənab Prezidentə ünvanlanan suallardan biri də Rusiya ilə münasibətlərə dair idi. İlham Əliyev cavabında qeyd etdi ki: "Azərbaycan Rusiya ilə qarşılıqlı hörmət və tərəfdaşlıq əsasında münasibətlərini qurur. Bizim siyasətimiz birmənalıdır: müstəqil, praqmatik və milli maraqlara əsaslanan siyasət". Bu cavab, Qərb-Rusiya qarşıdurmasının fonunda Azərbaycanın balanslaşdırılmış diplomatiyasının ifadəsi idi. Cənab Prezidentin vurğuladığı sətiraltı mesaj ondan ibarət idi ki, Bakı heç bir geosiyasi düşərgənin peyki deyil və informasiya müstəvisində neytral və obyektiv mövqeyini qorumaqda qərarlıdır.

III Şuşa Qlobal Media Forumu bir daha göstərdi ki, Azərbaycan təkcə Cənubi Qafqazın deyil, həm də Avrasiya informasiya məkanının mərkəzində dayanan təşəbbüskar dövlətdir. Forum həm də postmünaqişə dövründə Azərbaycanın yaratdığı yeni reallıqların, inteqrasiya layihələrinin və qlobal çağırışlara verdiyi cavabların təqdimatı oldu. Şuşa artıq təkcə mədəniyyət deyil, həm də informasiya diplomatiyasının, qlobal medianın, analitik düşüncənin və strateji baxışların görüş yeridir. Azərbaycan sözlə, süni intellektlə və strateji mesajla beynəlxalq münasibətlərin gündəmini formalaşdırır. III Qlobal Media Forumu isə bu prosesin canlı sübutudur.

Sehran Hüseynov,

Masallı şəhər 5 nömrəli tam orta ümumtəhsil məktəbin direktoru