Yeni Dünya Düzəni və Azərbaycanın Rolu
- 17-03-2025, 10:23
- Maraqlı
- 0
- 692
13 mart 2025-ci il tarixində Bakıda keçirilən XII Qlobal Bakı Forumu beynəlxalq siyasətin aktual çağırışlarını müzakirə etmək üçün mühüm platforma oldu. Azərbaycan Respublikasının Prezidenti İlham Əliyev Forumun açılışında geniş və məzmunlu çıxış edərək, ölkəmizin qlobal təhlükəsizlik və əməkdaşlıq sahəsindəki mövqeyini, eləcə də Ermənistanla bağlı həqiqətləri dünyaya çatdırdı.
Dövlət başçısı Azərbaycanın beynəlxalq arenada artan roluna toxunaraq, ölkəmizin sülhə və təhlükəsizliyə verdiyi töhfələri vurğuladı. O, Azərbaycanın öz ərazi bütövlüyünü bərpa etdiyini və postmünaqişə dövründə bərpa-quruculuq işlərinə başladığını qeyd etdi. Həmçinin, Ermənistanı dəstəkləyən xarici qüvvələr və korrupsioner dairələr haqqında açıq danışaraq, Azərbaycanın həqiqətləri cəsarətlə dilə gətirdiyini bildirdi.
Forum çərçivəsində qlobal siyasət, təhlükəsizlik, enerji, texnologiya və sülh kimi mövzular müzakirə edildi. Prezidentin çıxışı, Azərbaycanın beynəlxalq münasibətlərdəki strateji yanaşmasını və qlobal çağırışlara baxışını əks etdirdi və Forum iştirakçıları tərəfindən böyük maraqla qarşılandı. XII Qlobal Bakı Forumu bir daha sübut etdi ki, Azərbaycan regionda və dünyada mühüm siyasi aktora çevrilib və qlobal məsələlərin həllinə töhfə verməyə davam edir.
Musalı Süleyman,
Yap Masallı rayon Təşkilatının fəal üzvü
