Masallıda “Qəhrəmanlarımızı Tanıdaq” layihəsi davam edir
- 25-08-2022, 17:39
- Maraqlı
- 0
- 212
25 Avqust 2022-ci il tarixində “Qəhrəmanlarımızı Tanıdaq” layihəsi çərçivəsində “Masallı Gənclər Evi” sosial xidmət müəssisəsinin kollektivi ll Qarabağ Müharibəsi qazisi Bəşirov Çingiz Rəşid oğlunu ziyarət ediblər. Ziyarət zamanı qazimizin keçdiyi şərəfli döyüş yoldan söhbət açılıb, qayğıları dinlənilib. Qəhrəmanımız müharibədə qələbə qazanmağının sevincini, döyüş xatirələrini bizimlə bölüşüb. Vətən müharibəsi başlandığı gündən etibarən şəxsi heyət arasında qələbəyə inamın yüksək olduğunu bildirdi.
Bəşirov Çingiz Rəşid oğlu 19 Aprel 1997-ci il tarixində Masallı rayonunun Xanalion kəndində anadan olmuşdur. 2003-2012-ci illərdə Masallı rayon N.Bağışov adına Xanalion kənd ümumi orta məktəbində təhsil almışdır. 2016-2018-ci illərdə çağırışçı kimi hərbi xidmətə yollanıb, Həqiqi hərbi xidmətini Azərbaycan Silahlı Qüvvələrinin “N” saylı hərbi hissəsində davam etdirib.
Bəşirov Çingiz Rəşid oğlu 27 sentyabr 2020-ci il tarixində ll Qarabağ Müharibəsində Qubadlı, Cəbrayıl, Laçın, Xocəvənd, Zəngilan və Füzuli rayonlarının azadlığı uğrunda gedən döyüşlərdə fəal iştirak etmişdir. Qazimiz Qubadlı rayonunun azadlığı uğrunda gedən döyüşdə sağ çiynindən və Travma alaraq ağır yaralanmışdır. Subaydır.
Azərbaycan Respublikasının Prezidenti cənab İlham Əliyevin sərəncamına əsasən Bəşirov Çingiz Rəşid oğlu “Cəbrayılın azad olunmasına görə”, “Qubadlının azad olunmasına görə ”,
“Vətən Müharibəsi İştirakçısı” və “Vətən Naminə” medalları ilə təltif olunmuşdur.
“Yeni həyat” qəzeti
www.yeniheyet.az
