“Unudulmaz tarix” mövzusunda tarix dərsi
- 13-01-2023, 23:30
- Maraqlı
- 0
- 205
Yanvarın 13-də Masallı Tarix-Diyarşünaslıq Muzeyində 20 yanvar faciəsinin otuz üçüncü ildönümü ilə əlaqədar olaraq “Unudulmaz tarix” mövzusunda tarix dərsi keçirildi. Tarix dərsində Mahmudavar kənd tam orta məktəbin müəllim və şagirdləri iştirak etdi.
Əvvəlcə vətənin azadlığı və müstəqilliyi uğrunda canından keçən şəhidlərin əziz xatirəsi bir dəqiqəlik sükutla yad edildi.
Muzeyin direktoru Əntiqə Tağıyeva və Mahmudavar kənd tam orta məktəbin direktoru Xanım Əliyeva faciənin baş vermə səbəbləri və xalqın mübarizlik əzmindən geniş danışdılar.
Dərsin sonunda şagirdlər 20 yanvar faciəsinə həsr olunmuş foto sərgi ilə tanış olmaqla yanaşı muzeyə ekskursiya etdilər.
“Yeni həyat” qəzeti,
www.yeniheyet.az
