• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Bu gün şəhid Ziya Gözəlovun doğum günüdür

    Bu gün şəhid Ziya Gözəlovun doğum günüdür


    ARZUSUNA QOVUŞAN ŞƏHİD

    İllər ötəcək, fəsillər və nəsillər dəyişəcək, zamanın gedişində bir çox yaddaqalan tarixi hadisələr olacaq...Amma 44 günlük Vətən müharibəsində xalqımıza QƏLƏBƏ sevinci yaşadanqəhrəmanlarheç vaxt unudulmayacaq. Belə qəhrəmanlardan biri də Kəlbəhüseynli kəndinin igid oğlu Ziya Gözəlovdur. Qəhrəmanlıq xalqımızın qan yaddaşında genetik xüsusiyyətlərindən biri hesab olunur. Ziyanın ulu babası Ağamir İkinci Dünya müharibəsində alman faşizminə qarşı rəşadətlə döyüşərək partizan “Mir” ləqəbi ilə ad-san qazanmışdı. Babası Əlvan İbrahimovu Masallıda tanımayan az adam olar. Rəhmətlik Əlvanİbrahimov Birinci Qarabağ müharibəsində könüllülərdən ibarət Masallı batalyonu yaradanlardan biri idi. Qanlı-qadalı döyüşlərdəyaralanandan sonra onunla müalicə olunduğu xəstəxanada görüşmüşdüm. Haqqında “Masallı xəbərləri” qəzetində kiçik məqalə də yazmışdım. Çox zarfatcıl adam idi. Görünür, babası kimi Ziyanın da taleyinə erməni faşistləri ilə vuruşmaq yazılmışdı. Yazılmışdı deyəndə ki, Ziya uşaq yaşlarından özü bunu arzu edirdi.Hətta 2020-ci ilin yanvarında həqiqi hərbi xidmətə yola düşərkəndoqquz aydan sonra müharibənin başlayacağını və torpaqlarımızı işğaldan azad edərək şəhid olacağını doğmalarına söyləmişdi...

    Onun barəsində döyüş yoldaşları birmənalı olaraq belə fikir söyləyirlər: "Ziya bir çox düşmən mövqelərinin alınmasında şücaət göstərdi. Sanki 19 yaşlı əsgər deyil, təcrübəli zabit idi. Son nəfəsinədək düşmənlə ölüm-dirim savaşı apardı və müharibə başlayan gündən çiyin-çiyinə döyüşdüyü komandiri ilə birlikdə şəhid oldu...”

    QISA TANITIM: Gözəlov Ziya Zahid oğlu 19 yanvar 2002-ci ildə Masallı rayonunun Kəlbəhüseynli kəndində anadan olub. 2008-2019-cu illərdə şəhid Nicat Əbilov adına Kəlbəhüseynli kənd tam orta məktəbində təhsil alıb. Orta təhsilini başa vurduqdan sonra 2020-ci ilin yanvar ayından Səfərbərlik və Hərbi Xidmətə Çağırış üzrə Dövlət Xidmətinin Masallı Rayon Şöbəsi tərəfindən hərbi xidmətə çağırılıb Azərbaycan Silahlı Qüvvələrinin“N” saylı hərbi hissəsində xidmət etməyə başlayıb.
    27 sentyabr 2020-ci ildə Azərbaycan Silahlı Qüvvələri tərəfindən erməni işğalı altında olan ərazilərin azad edilməsi üçün başlanan Vətən müharibəsizamanı Füzuli rayonu uğrunda gedən döyüşlərdə düşmənlərə qarşı böyük mərdliklə döyüşüb.
    Oktyabrın 14-də Ağdərə istiqamətində yaralı komandirinin həyatını xilas edərkən şəhid olub. Nəşi 22 noyabr 2020-ci ildə Masallı rayonunun Çaxırlı kənd məzarlığında izdihamla dəfn olunub . Subay idi...

    Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinəgörə Azərbaycan Respublikasının Prezidentinin dekabr 2020-müvafiq Sərəncamına əsasən Ziya Zahid oğlu Gözəlov ölümündən sonra “Vətən uğrunda”, “Cəsur döyüşçü”,““Suqovuşanın azad olunmasına görə”medalları ilə təltif edilib.

    Nəfəs haqdan gələr...


    Əhli-beyt aşiqi, vətən sevdalısı Ziyanın qəlbi nəsil şəcərəsinə və nəcabətinə görə öz dövrünün tanınmış seyidi Mirələm ağa ocağından nur almışdı.Bəzən o özü də yoluna işıq salan, dilinə haqq sözü gətirən, onu qəhrəmanlığa səsləyənSİRRİN fərqinə varmırdı. Nənəsi Zöhrə Rzayevabu “sirri” özünün də, həyat yoldaşının da seyid nəslindən olduğuna bağlayaraq deyir: “Dədəmin cəddi haqqı, Ziya hələ hərbi xidmətə yola düşməmiş ona hər şey əyan olmuşdu. Əlini sinəsinə qoyub dedi ki, nənə, mən əsgər gedəndən 9 ay sonra müharibə başlayacaq, 30 iləyaxın işğal altında olan torpaqları bax, bu nəvən azad edəndən sonra şəhid olacaq...”
    ... Son dəfə öz əli ilə yeni il yolkası bəzəyəndə və önündə dayanıb şəkil çəkdirəndə də buna bənzər fikirlər söyləmişdi:“Mən bu illik burdayam, gələn il Allah bilir haralarda olacağam...”Ziyanın anası Kəmalə xanım deyir ki, uşaq yaşlarından fikri-zikri böyüyüb əsgər getmək, ermənilərdən xalqımızın qisasını almaq idi. “Ziya çox vətənpərvər uşaq idi. Arzusu Vətən uğrunda şəhid olmaq idi. O, mənim arzularımı yarımçıq qoydu, amma öz arzusuna çatdı.”

    Anasına, nənəsinə şəhid olsam, başınızı dik tutarsınız, heç vaxt ağlamazsınız deyən Ziyanın hərbi xidmətinin 9 - cu ayının tamam olmağına

    3 gün qalmış Vətən müharibəsi başladı.

    Nəfəs-nəfəsə bitən ömür…


    Ziya yeniyetməlik illərində idmanın futbol və güləş növləri ilə məşğul olub. Güləş müəllimi tanınmış məşqçi İlyas İsayevölkəmizi beynəlxalq yarışlarda təmsil edənonlarca gənc idmançı yetişdirib. Ziya idmanla məşğul olmaqla yanaşı, erkən yaşlarından əlini zəhmətə alışdırmışdı. Əmisi Mirağa deyir ki, zəhmətsevərliyi ilə kənddə hamının hörmətini qazanmışdı. “Öz at-arabası ilə təsərrüfat işlərində camaata kömək edərdi. Xidmətinin qarşılığında ona pul veriləndə almağa xəcalət çəkərdi... Gözü-könlü tox uşaq idi. Bir dəfə Novruz bayramında bizə papaq atmağa gəlmişdi. Papağın içinə qoyduğu kağız parçasına yazmışdı. “Əmi, bayram payın 2 manatdan nə az olsun, nə çox...”
    Mirağa ürək ağrısıyla onu da bildirdi ki, Vətən müharibəsinin şəhidlərinin şəkillərinə baxanda görürsən ki, hamısı bir-birindən gözəl, yaraşıqlı gənclərdir. “Allah elə bil onları şəhid olmaq üçün seçmişdi...Biz isə hələ də ümüdlə gözləyirik ki, mənim gözəl, qabiliyətli qardaşım oğlu Ziya əsgərlikdən qayıdıb gələcək...”
    Oktyabrın 14-də Ziya ailəsi ilə telefonla əlaqə saxlayıb. Bu ondan gələn sonuncu zəng olub. Tərtərin Talış və Suqovusan kəndlərinin işğaldan azad edilməsi zamanı döyüşlərdə bacarığı və mətinliyi ilə seçilən Ziya qoynunda saxladığı üçrəngli bayrağı Şuşada dalğalandırmaq ümidi ilə səngərdən səngərə atılıb.
    Növbəti əks-hücum əməliyatı zamanı komandiri baş leytenant Murad İbadov ağır yaralanır. Ziya onu xilas etməyə gedəndə qoynundan çıxartdığı bayrağı yaxınlığında dayanan əsgər yoldaşına uzadıb: “Bu bayrağı Şuşada dalğalandıran gün məni xatırlayarsan!”-deyir. Düşmən tərəfindən atılan fasiləsiz minamiyot atəşinə məhəl qoymadanyaralı komandirinə yaxınlaşır. Bu zaman yaxınlığına düşən mərmi hər ikisini ölümcül yaralayır. Komandirlə əsgər bir-birini qucaqlayaraq şəhid olurlar...

    Ölümüzdən doğuluruq...”


    Əmisi Mirağanın dediyinə görə, şəhid olandan xeyli sonra Ziyanın nəşini döyüş meydanından cəlilabadlı bir idmaçı-döyüşçü çıxarıb. “Mən onun nəşini gözlərimlə gördüm. Şəhid olmamışdan əvvəl onun üzündəki ifadələr olduğu kimi qalmışdı.”
    Görəsən, o an Ziya nə düşünüb?Bəlkə əsgər yoldaşına verdiyi bayrağın tezliklə Şuşada dalğalanacağı anı? Bəlkə son dəfə bəzədiyi yolkanın yanıb-sönən işıqlarını göz önünə gətirmişdi?!Deyə bilmərəm. Amma onu bilirəm ki, Ziyanın üzündə əbədi həkk olunmuş o nurqəlbində daşıdığı Vətən sevgisinin, Əhli-beyt eşqinin parlaq nişanəsiydi...
    ... O gün atası Zahidə dünyanın ən ağır yükü olan oğul tabutunu son mənzilə yola salmaq, Zöhrə nənəyə 19 yaşlı nəvəsinin tabutunun arxasınca ağı demək, qardaşına isə cənazəsinin büküldüyü bayrağı öpmək qismət oldu.Ziya da qəhrəmanlığı ilə babaları kimi yaddaşlarda iz qoydu.Yazıma yekin vurmaq istəyirdim ki, rejissor dostum Elçin Cahangirli müharibə mövzusunda çəkdiyi filmin bir-neçə fraqmentini mənə yolladı. Kadrlarda Zəfər bayrağımız dalğalanan Şuşada Alim Qasımovun səsi ərşə ucalırdı..

    44 günlük yol aşarıq,
    Qaya keçib dağ aşarıq.
    Payızda qalxıb coşarıq,
    Qaynayarıq sellər kimi,
    Selimizdən doğularıq.

    Dünyanın çoxu - azıyıq,
    Od oğluyuq,od qızıyıq.
    Yandı deməyin bu yazıq,
    Külümüzdən doğuluruq.

    Bu elə bil səltənət ki,
    Şəhid verən şəhadət ki,
    Tanrı verən bir hikmət ki,
    Ölənimiz Vətən doğur-
    Öümüzdəndoğuluruq.

    ...Aliminsəsi pilə-pilə nurüzlü şəhid Ziyanın özü kimiTanrı dərgahına yüksəlirdi.


    Nurəddin ƏDİLOĞLU.


    "Yeni həyat" qəzeti,
    www.yeniheyet.az




    шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 20:01 Masallıda “İnkişaf və tərəqqi yolunun başlanğıcı” mövzusunda konfrans
    2. 19:42 Rayon rəhbərinin 12 iyul 2024-cü il tarixdə növbəti vətəndaş qəbulu
    3. 23:00 Masallı RİH Başçısı 10.07.2024-cü il tarixdə Həsənli ərazisinin sakinləri ilə görüşdü
    4. 12:39 Şuşada Türk Dövlətləri Təşkilatının Dövlət başçılarının Zirvə görüşü keçirilib
    5. 22:00 Şuşada Turk Dövlətləri Təşkilatının Zirvə görüşü keçirilib
    6. 22:00 Türk Dövlətləri Təşkilatının dövlət başçılarının Şuşada Zirvə görüşü kecrilmişdir
    7. 20:01 Masallıda Məhərrəm ayının başlanması ilə əlaqədar dəyirmi masa
    8. 14:56 Azərbaycan və ŞƏT üzv dövlətləri arasında ticarət və iqtisadi əlaqələr sürətlə inkişaf edir
    9. 12:30 Ələt Beynəlxalq Dəniz Ticarət limanı regionun yaşıl ticarət məkanına çevrilir
    10. 18:33 İranın yeni prezidenti seçildi
    11. 15:37 Beynəlxalq yük və sərnişin daşımalarının mexanizmi dünya təcrübəsi əsasında daha da optimallaşdırılır
    12. 17:00 Azərbaycan Şimal-Cənub nəqliyyat dəhlizinin inkişafında mühüm rol oynayır
    13. 16:30 Rayon rəhbərinin 05 iyul 2024-cü il tarixdə növbəti vətəndaş qəbulu
    14. 15:00 "Azəriqaz" İB-nin rəhbəri Masallı və Yardımlı rayonlarından olan vətəndaşları qəbul etdi
    15. 08:50 Masallıda 2024-cü ilin iyul ayına olan səyyar-görüş qəbulları barədə
    16. 22:00 Monitorinq aparılan 19 kartofçuluq təsərrüfatında karantin tətbiq edilən zərərli orqanizmlər aşkarlanıb
    17. 19:00 Masallıda Məhərrəm ayının başlanması ilə əlaqədar ümumrayon tədbiri
    18. 17:42 Masallı RİH Başçısı 03.07.2024-cü il tarixdə Boradigah ərazisinin sakinləri ilə görüşdü
    19. 10:55 Ədliyyə Nazirliyinin Tibb baş idarəsinə rəis təyin edilib
    20. 19:30 Masallıda Polis işçilərinin 106 ili
    21. 07:19 Lənkəranda hesabat yığıncağı keçirilib
    22. 20:40 Dağlıq və dağətəyi rayonlara leysan yağacaq, dolu düşəcək
    23. 20:29 Masallıda keçmiş məhkumdan külli miqdarda narkotik vasitə aşkarlanıb
    24. 09:30 Unudulmaz Nüsrət Kəsəmənli...
    25. 23:00 Rayon rəhbərinin 28 iyun 2024-cü il tarixdə növbəti vətəndaş qəbulu
    26. 23:00 Qızılağac kəndində “Taxıl biçininin vaxtında başa çatdırılması və tərəvəz əkininin artırılması ilə bağlı qarşıda duran vəzifələr” mövzusunda müşavirə
    27. 19:44 AMEA-nın əməkdaşı Çində elmi məruzə ilə çıxış edib
    28. 16:53 Altıncı çağırış Azərbaycan Respublikası Milli Məclisinin buraxılması və Azərbaycan Respublikasının Milli Məclisinə növbədənkənar seçkilərin təyin edilməsi haqqında Azərbaycan Respublikası Prezidentinin Sərəncamı
    29. 16:09 Masallıda “Gender üzrə statistik göstəricilər” mövzusunda seminar - müşavirə
    30. 10:11 Natiq Qasımova “Azərbaycanın Milli Qəhrəmanı” adı verildi
    31. 08:54 “Mübariz ordumuz” – Masallıda tədbir
    32. 23:56 Ulu Öndər Heydər Əliyev və ordu quruculuğu
    33. 22:36 Masallı RİH Başçısı 25.06.2024-cü il tarixdə Təzə Alvadı ərazisinin sakinləri ilə görüşdü
    34. 22:04 Masallıda “26 iyun - Narkomaniyaya və Narkobiznesə qarşı Beynəlxalq Mübarizə Günü” ilə əlaqədar tədbir
    35. 11:20 Ordu quruculuğu sahəsində Prezidentimizin fəaliyyəti
    36. 10:15 “Çiçəklər kralı”nın “yaşıl avtoqrafı”
    37. 18:27 “Yaşıl dünya yazı və şəkillərdə” mövzusunda müsabiqəsinin qalibləri mükafatlandırılıb – Masallıda
    38. 18:14 Azərbaycanın Qoşulmama Hərəkatında əlaqələndirici rolu
    39. 18:06 Təbrik edirik!
    40. 16:30 Dünyanın ən güclü orduları sırasında
    «    İyul 2024    »
    BeÇaÇCaCŞB
    1234567
    891011121314
    15161718192021
    22232425262728
    293031 
    DÜNYA XƏBƏRLƏRİ