Azərbaycan tarixinin möhtəşəm anı
- 14-06-2023, 20:04
- Maraqlı
- 0
- 166
Masallı rayon Mərkəzi Kitabxanasında Milli Qurtuluş günü ilə əlaqədar “ Azərbaycan tarixinin möhtəşəm anı” adlı tədbir keçirilib. Tədbir başlamazdan öncə ulu öndər Heydər Əliyevin və şəhidlərin xatirəsi bir dəqiqəlik sükutla yad edilib.
Tədbirdə ilk çıxış edən kitabxananın əməkdaşı Rasif Dadaşov bildirib ki, Azərbaycanın müasir tarixinin möhtəşəm anlarının yaşandığı 15 iyun Milli Qurtuluş Günü milli dövlətçiliyin müqəddaratını təyin etmək baxımından müstəsna əhəmiyyət daşıyır. Milli Qurtuluş Günü Azərbaycan dövlətini iflas olmaqdan, xalqı çarəsiz durumdan qurtaran tarixi hadisə kimi siyasi təqvimə qızıl hərflərlə yazılıb.
Sonra kitabxananın digər əməkdaşı Gülər Piriyeva ulu öndər Heydər Əliyevin zəngin və mənalı ömür yolu, bənzərsiz dövlətçilik fəliyyəti haqqında məruzə ilə çıxış edib. Ulu öndər Heydər Əliyevin yenicə müstəqillik qazanmış Azərbaycanın mərhumiyyətlər yaşadığı dövrdə xalqın imdadına yetişərək, dövlətçiliyin və xalqın taleyini müsbət istiqamətdə dəyişən, millətin ümidini doğruldan tarixi şəxsiyyət olduğu qeyd olunub. Hazırda Prezident İlham Əliyevin ulu öndərin siyasi kursunu mükəmməl formada icra etməsi Azərbaycanın bundan sonrada daha böyük nailiyyətlər qazanmasına zəmin yaradır.
“Yeni həyat” qəzeti
www.yeniheyet.az
