• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Azərbaycan-Türkiyə dostluğu dünya üçün bir nümunədir

    Azərbaycan-Türkiyə dostluğu dünya üçün bir nümunədir


     Tarixi dostluq tellərinə söykənən Azərbaycan-Türkiyə əlaqələri daim genişlənməkdədir. Hər iki tarixi xalqın adət-ənənələri bu iki ölkəni Azərbaycan və Türkiyəni biri-birinə qardaş edib. Çətin günlərini, şad həyatlarını birlikdə qeyd ediblər. Ümummilli Lider Heydər Əliyevin “Bir millət, iki dövlət” kəlamı Azərbaycan-Türkiyə münasibətləri bu gün hər iki dövlət başçıları tərəfindən uğurla həyata keçirilir. Azərbaycan və Türkiyə arasında əlaqələrin inkişafı həmçinin bu iki qardaş dövlətlərin deyil, həm də regionun ümumi tərəqqisinə, sabitliyin bərqərar olmasına mühüm əhəmiyyət kəsb rdir. Elə bunun nəticəsidir ki, bu nilin sentyabrın 25-də, tarixi bir gündə Türkiyə Prezidenti Rəcəb Tayyib Ərdoğanın Naxçıvana rəsmi səfər etmişdir. Görüşdən hədsiz sevincli olduğunu vurğulayan Türkiyə Prezidenti Rəcəb Tayyib Ərdoğan mətbuata bəyanatrla çıxış edərək demişdır ki,

    Türkiyə-Azərbaycan əlaqələri dünyada tayı-bərabəri olmayan müstəsna səviyyədədir. “Bir millət, iki dövlət” şüarı çərçivəsində əlaqələrimizi və əməkdaşlığımızı bütün sahələrdə gücləndirmək üçün fəaliyyətimizi davam etdiririk. İlham qardaşımla imzaladığımız Şuşa Bəyannaməsi əlaqələrimizi müttəfiqlik səviyyəsinə yüksəldən bir dönüş nöqtəsidir. Naxçıvan tarix boyu daşıdığı strateji əhəmiyyəti ilə Azərbaycanla əlaqələrimizdə xüsusi yerə sahibdir. Naxçıvan bu gün də iqtisadiyyat, nəqliyyat və enerji xətləri baxımından böyük potensiala malikdir. Regional nəqliyyat xətlərinin yaradılması ilə birlikdə bu potensialı tam mənasında həyata keçirmək imkanına sahib olacağıq. Xəzər dənizindən keçən Beynəlxalq Şərq-Qərb Orta Dəhlizin əhəmiyyəti koronavirus pandemiyası və bölgəmizdə yaşanan müharibələr nəticəsində daha yaxşı dərk edilmişdir. Bu baxımdan bir qədər əvvəl təməlini qoyduğumuz İğdır-Naxçıvan qaz kəməri layihəsi Azərbaycan ilə enerji sahəsində ortaqlığımızı daha da dərinləşdirəcəyi kimi, Avropanın enerji təhlükəsizliyinə də töhfə verəcək. Qars-Naxçıvan dəmir yolu layihəsi ilə yanaşı, yaşayış binaları və elektrik enerjisi ilə bağlı müqavilələr bir az əvvəl imzalandı. Beləliklə, nəqliyyat, logistika və enerji sahələrindəki əlaqələrimizi inkişaf etdirməklə bağlı iradəmizi bir daha ortaya qoyduq. «Azərbaycanlı qardaşlarımıza 6 fevraldakı zəlzələlərin yaralarının sağalmasına verdikləri güclü dəstək üçün öz adımdan və millətim adından bir daha təşəkkür edirəm. Varını-yoxunu avtomobilinin üzərinə yükləyib millətimizə yardım etmək üçün yola çıxan qardaşlarımızın səmimiyyətini heç vaxt unutmayacağıq», deyə Azərbaycan dövlətinin əsas qardaşlıq köməyini də nəzərə çatdırmışdır.

    Naxçıvanda iki Prezidentin tarixi görüşündə, əvvəl Azərbaycan Prezident cənab İlham Əliyevin bəyanatı da ürəkdən gələn sözlərlə qeyd olundu. Dövlətimizin başçısı söyləmişdir ki,
    Naxçıvana xoş gəlmisiniz. Sizi səmimiyyətlə salamlayıram.

    Əziz qardaşım, bu, Sizin Naxçıvana ikinci səfərinizdir və səfər zamanı imzalanmış sənədlər Türkiyə-Azərbaycan əlaqələrinin inkişafına xidmət göstərəcək.

    İğdır-Naxçıvan qaz kəmərinin çəkilişi qardaşlıq münasibətlərimizin tarixində önəmli hadisədir və bizim əlaqələrimizə yeni təkan verəcək, Naxçıvanın enerji təhlükəsizliyini daha böyük ölçüdə təmin edəcək.

    Naxçıvan Azərbaycanın qədim diyarıdır. Əfsuslar olsun ki, 1920-ci ildə sovet hakimiyyəti tərəfindən Qərbi Zəngəzur Azərbaycandan ayrılmışdır və beləliklə, Azərbaycanın əsas hissəsi ilə Naxçıvan arasında coğrafi bağlantı kəsilmişdir. Ermənistan Azərbaycana qarşı işğalçılıq siyasətini aparmağa başlayanda Naxçıvana qarşı da onların ərazi iddiaları var idi. Burada da şiddətli döyüşlər gedirdi və məhz o vaxt Azərbaycanın böyük oğlu Heydər Əliyevin rəhbərliyi ilə, - o zaman o, Naxçıvanın başçısı idi, - Naxçıvan düşməni yerinə oturtdu və öz ərazisini qoruya bildi. Ancaq o vaxt Naxçıvanın enerji təminatı Azərbaycanın əsas hissəsindən olduğu üçün Ermənistan bütün elektrik və qaz xətlərini kəsmişdi və Naxçıvan faktiki olaraq mühasirədə idi. İşıq yox, qaz yox, qışlar da çox soyuq keçir və 15 il Naxçıvan qazsız yaşamışdır.

    Ancaq 2005-ci ildə İran İslam Respublikası ilə imzalanmış anlaşmaya görə, mübadilə yolu ilə İrandan Naxçıvana qazın verilməsi təmin edilmişdir. İğdır-Naxçıvan qaz kəmərinin çəkilişi isə ikinci xətt vasitəsilə Naxçıvana təbii qazın verilməsinə şərait yaradacaq.

    Bir neçə gündən sonra, daha doğrusu, üç gündən sonra Naxçıvanda Türkiyə və Azərbaycanın vəzifəli şəxslərinin, beynəlxalq təşkilatların iştirakı ilə Türkiyə-Azərbaycan III Enerji Forumu keçiriləcəkdir və əminəm ki, bu forumun nəticələri uğurlu olacaq. Naxçıvanın qazı, nefti olmasa da, günəşi var və Naxçıvanda günəş elektrik stansiyalarının inşası ilə bağlı bizim böyük planlarımız var. Bu planlar gerçəkləşərsə, Naxçıvan yaşıl enerji zonasına çevrilə bilər. Çünki burada həm günəş, həm külək, eyni zamanda, su elektrik stansiyalarının inşası üçün böyük potensial var və gələcəkdə Naxçıvandan Türkiyəyə ən azı 1000 meqavat həcmində yaşıl enerji ixracı da mümkün olacaqdır.

    Azərbaycan Prezident cənab İlham Əliyev xüsusilə vurğulamışdır ki,
    İki il bundan əvvəl Şuşa şəhərində - uzun zaman davam edən işğaldan sonra azad edilmiş Şuşa şəhərində Şuşa Bəyannaməsi - müttəfiqlik bəyannaməsi bizim münasibətlərimizi yeni müstəviyə qaldırdı. Bu gün bu əlaqələr ən yüksək zirvədədir və bütün istiqamətlər üzrə biz indi əlaqələrimizin çox fəal dövrünü yaşayırıq. Bu gün təməlini qoyduğumuz İğdır-Naxçıvan qaz xətti - vaxtilə biz Sizinlə TANAP layihəsinin təməlini qoymuşduq, TANAP boru xəttinin açılışını bərabər etmişdik - bu gün isə Türkiyədən Azərbaycanın parçası olan Naxçıvana qaz kəmərinin inşası ilə bağlı işlərə start veririk. Qars-Naxçıvan dəmir yolunun inşasına dair Niyyət Protokolunun imzalanması da tarixi hadisədir. Əminəm ki, bu layihə də uğurla həyata keçiriləcək və beləliklə, Orta Dəhlizin bir qolu kimi həm Azərbaycana, həm Türkiyəyə, həm də digər ölkələrə xidmət göstərəcəkdir.

    Biz bu gün Sizinlə, eyni zamanda, Bakı-Tbilisi-Qars dəmir yolunun potensialının genişləndirilməsi ilə bağlı fikir mübadiləsi apardıq və mən Sizə məlumat verdim ki, yaxın aylarda bu yolun imkanları 1 milyon tondan 5 milyon tona qədər artırılacaq. Azərbaycanı Naxçıvan və Türkiyə ilə birləşdirən dəmir yolunun inşası da uğurla gedir. Azərbaycan ərazisində işlər böyük ehtimalla gələn ilin sonunda başa çatmalıdır. Yəni, bütün bu tarixi layihələr bir daha onu göstərir ki, bizim dövlətlərimiz nə qədər bir-birinə bağlıdır, bir-birinə yaxındır.

    Qeyd etmək yerinə düşər ki, əgər Şuşa Bəyannaməsi Azərbaycan və Türkiyə arasında hərbi-siyasi müttəfiqlik yaradıbsa, bunun ardınca imzalanan sənədlər ortaq iqtisadi maraqların gerçəkləşməsinə xidmət edir. Türkiyə Prezidentinin səfəri Azərbaycan–Türkiyə müttəfiqliyinin möhkəmlənməsinə daha bir töhfə verməklə yanaşı, həm də Avrasiya geopolitik məkanında yeni düzənin əsasını təyin edir. Bununla da dövlət başçılarının hər görüşü yeni siyasi uğurun başlanğıcına dönür. Naxçıvan görüşündən sonra  tariximizin yaxın bir zamanında məhz böyük uğurlara imza atılacağnın şahidi olacağıq.

    Yaşasın Azərbaycan və Türkiyə qardaşlığı! Bu qardaşlığa eşq olsun!




    İbrahim ŞÜKÜROV,
    Yeni Azərbaycan Partiyası Masallı Rayon Təşkilatı Yeddioymaq kənd ərazi partiya təşkilatının sədri.




    "Yeni həyat" qəzeti,
    www.yeniheyet.az
    шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 21:52 Rayon rəhbərinin 14 iyun 2024-cü il tarixdə növbəti vətəndaş qəbulu
    2. 21:50 Masallıda 2024-cü ilin Son Zəng tədbirləri
    3. 16:00 Masallıda istismarına icazə verilən obyektlərin çıxarışları sahibkarlara təqdim olunub
    4. 21:54 Masallı RİH Başçısı 12.06.2024-cü il tarixdə Mahmudavar ərazisinin sakinləri ilə görüşdü
    5. 21:51 Masallı Rayon İcra Hakimiyyətinin Başçısı cənab Araz Əhmədov fermer təsərrüfatlarına yerində baxış keçirib
    6. 20:11 Azərbaycan Prezidentinə yazırlar
    7. 19:47 Regionda  strateji əhəmiyyətə malik olan iki dövlət
    8. 11:00 Qafqaz Müsəlmanları İdarəsinin Qazılar Şurası Qurban bayramı ilə bağlı fətva verib
    9. 23:30 Azərbaycan-Misir əlaqələrininntarixinə qısa baxış
    10. 17:17 Bir çox abituriyentin arzusu Qarabağ Universitetində oxumaqdır
    11. 17:13 Müzəffər xalqın qurtuluşunun banisi və onun layiqli davamçısı
    12. 10:11 Prezident İlham Əliyevi TÜRKPA-nın növbəti plenar iclasının iştirakçılarının qəbul etmişdir
    13. 21:30 Türk ailəsinin inkişafı birliyimizdir
    14. 23:30 Türk ailəsi inkişaf edir, birliyimiz möhkəmlənir
    15. 12:18 “Fitrətimizdədir vətənpərvərlik” kitabının təqdimatı – MASALLIDA
    16. 12:04 Bu gün enerji təhlükəsizliyi milli təhlükəsizliyin ayrılmaz hissəsidir
    17. 12:00 Rayon rəhbərinin 07 iyun 2024-cü il tarixdə növbəti vətəndaş qəbulu
    18. 22:30 “Masdar” şirkətinin Azərbaycana sərmayə qoyması çox təqdiredici bir haldır
    19. 23:30 Biz qaz və neft sərvətlərini müxtəlif vasitələrlə cəmiyyətə yönəltmişik
    20. 13:00 Masallı RİH Başçısı 05.06.2024-cü il tarixdə Qəriblər ərazisinin sakinləri ilə görüşdü
    21. 09:05 Azərbaycan Prezidentinə yazırlar
    22. 16:05 Milli Qurtuluş günü Azərbaycan dövlətçiliyinin xilas günüdür- MASALLIDA TƏDBİR
    23. 14:00 Masallıda kartofçuluqla bağlı müşavirə
    24. 13:30 Masallı rayonunun icra başçısı Çaxırlı kəndində kümçülərlə görüşüb
    25. 15:58 YENİ KİTABLAR
    26. 11:11 Masallıda “1 İyun Uşaqların Beynəlxalq Müdafiəsi Günü” körpələr təbrik edildi
    27. 10:59 Masallı rayonu üzrə uşaqların statistikası
    28. 23:30 Rayon rəhbərinin 31 may 2024-cü il tarixdə növbəti vətəndaş qəbulu
    29. 13:30 Masallıda Xalq artisti Qabil Quliyevlə görüş keçirilib
    30. 18:43 Masallı rayon Ağsaqqallar Şurasının illik hesabat yığıncağı
    31. 18:14 Masallıda “Masallı Folklor Örnəkləri” kitabının 3-cü cildinin təqdimat mərasimi
    32. 22:30 Masallıda elektrik təsərrüfatının SİP kabelləşməsi davam etdirilir
    33. 16:07 Masallıda 2024-cü ilin iyun ayına olan səyyar görüş - qəbulları barədə
    34. 12:19 28 may Müstəqillik günü
    35. 23:30 Masallıda GPON texnologiyası əsasında fiber-optik şəbəkə yaradılır
    36. 20:30 Şərqdə və müsəlman aləmində ilk demokratik dövlət
    37. 20:22 Masallıda “Güclü cəmiyyətin zərif simaları” layihəsi çərçivəsində görüş
    38. 20:17 Masallıda “Dünyamızı qoruyaq” mövzusunda dəyirmi masa
    39. 20:12 Masallıda 28 May Müstəqillik Günü münasibətilə konsert proqramı
    40. 16:23 Azərbaycanın belə mötəbər beynəlxalq tədbirlərə ev sahibliyi etməsi təbiidir
    «    İyun 2024    »
    BeÇaÇCaCŞB
     12
    3456789
    10111213141516
    17181920212223
    24252627282930
    DÜNYA XƏBƏRLƏRİ