Ölkələrlə sıx siyasi münasibətlər və Azərbaycanın bu təşəbbüslərə səmərəli rəhbərliyi sayəsində mümkün olmuşdur.

5-03-2024, 23:30
Maraqlı

Fevralın 3-də Bakıda-“Gülüstan” sarayında Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsindənazirlərin 1-ci iclaslarının açılışı olub.

Prezident İlham Əliyev açılışda iştirak edərək çıxış edib.Çıxışa başlayan ölkə rəhbəri tədbir iştirakçılarını salamlayıb və tədbirdə iştirak etdikləri üçün öz təşəkkürünü bildirib.Cənab Prezident qeyd edib ki, bu görüş bir daha onu göstərir ki, bizim ümumi addımlarımız strateji tərəfdaş olan ölkələrimiz arasında əlaqələndirmə nəticəsində atılacaqdır.

Cənab Prezident xanım Simsona xüsusi olaraq təşəkkürünü bildirərək qeyd edib ki, xanım Simson bütün təşəbbüslərimizdə bizə davamlı olaraq dəstək verib.

Cənab Prezident bildirib ki,artıq 9-cu dəfədir ki,bir yerə toplaşırıq.Məlum məsələdir ki, bir çox məsələlər müzakirə olunmalı, görülən işlər nəzərdən keçirilməli, gələcək addımlarımızı planlaşdırmalıyıq

Əvvəlki toplantıdan bu günə kimi çox şeylər dəyişib.Dünyada belə dəyişikliklər baş verib, enerji təhlükəsizliyi məsələlərinin hər bir ölkə üçün əhəmiyyəti daha da artıb.Bu,artıq milli təhlükəsizlik məsələsinə çevrilib.Yeni marşrutların qurulması və s. Bütün bunlar birgə səylərimizin nəticəsidir.

Cənab Prezident bildirmişdir ki, hər şey vaxt itirmədən yerinə yetirilmişdir.Lakin bütün bunlara baxmayaraq bəzi yubanmalar da olmuşdur.Artıq hər şey arxada qalmışdır, çünki artıq bu işin genişləndiriləsi haqqında söhbətlər edirik.

Prezident İlham Əliyev qeyd etmişdir ki, ötən il bir neçə vacib hadisə oldu.Bu da bizim enerji təhlükəsizliyi sahəsində ümumi öhdəliyimizi nümayiş etdirir.Daha sonra ötən il imzalanmış bir sənəd haqqında söz açıb.Hansı ki Bakıda Avropa Komissiyasının rəhbəri xanım Ursula Fon der Lyayen və Prezident İlham Əliyev tərəfindən imzalanmışdır.Həmin sənəd gələcək planların yol xəritəsi idi. Avropaya qaz ixracının iki dəfə artırılması planlaşdırılır.Təbii ki, bu mümkündür, çünki Azərbaucanın resursları var.

Görüşdə daha bir mühüm hadisə Yunanıstanla Bolqarıstan arasında interkonnektorun açılmasıdır.Bu, Cənub Qaz Dəhlizi layihəsi və müəyyən dərəcədə onun şaxələndirilməsi sayəsində olub və nəticədə təbii qazın artıq Bolqarıstana təchizini başlamaq imkanı yaradıb.

Cənab Prezidentin sözlərinə görə, dekabr ayı enerji təhlükəsizliyi üçün çox vacib idi, çünki iki mühüm hadisə baş tutmuşdu.Birincisi, Azərbaycan və Rumıniya qaz təchizatı haqqında saziş imzalanmış və qaz təchizatı bu yaxınlarda başlayacaq.

Daha sonra ölkə Prezidenti bu ilin yanvar ayında Azərbaycan ilə Macarıstan arasında qaz təchizatı sahəsində Anlaşma Memorandumunun imzalandığını bildirib və bununlada heyətə daxil olan ölkələrin sayı artmışdır.Bütün bunlar ölkələrlə sıx siyasi münasibətlər, fəal əlaqələndirmə və Azərbaycanın bu təşəbbüslərə səmərəli rəhbərliyi sayəsində mümkün olmuşdur.

Cənab İlham Əliyev Avropaya qaz təchizatının artırılması ilə bağlı Avropa Komissiyası ilə imzalanmış Anlaşma Memorandumundan daha sonra Azərbaycandan daha çox qazın təchiz edilməsi məqsədilə əlavə imkanların yaradılması üçün görülən işlərdən də danışıb və bildirib ki, yeni yataqlardan gözləntilər daha çoxdur.

Təbi qaz resurslarından danışanda bildirib ki, təbii qaz ehtiyatları bizə və tərəfdaşlarımıza ən azı 100 il bəs edəcəkdir.

Cənab Prezident yaşıl enerji bağlı Məşvərət Şurasının ilk iclası olmasından da danışıb və qeyd edib ki, bu heyətdə cəmi dörd ölkə var, lakin bu sayın artma potensialı da var.Düşünür ki, burda təkcə ölkələr deyil, şirkətlər də maraqlı olacaqdır.

Məşvərət Şurasının ilk iclasında konseptual məsələlər öz əksini tapacaqdır.Buna gprə də biz planlarımızı düzgün qurmalı və kimlərin potensial investor ola biləcəyini bilməliyik.

Daha sonra cənab Prezident bəzi şirkətlərin əməkdaşlığından söhbət açıb və bildirib ki, səmərəli əməkdaşlıq bundan sonrada davam ediləcəkdir.Dövlətimizi başçısı qeyd edib ki, Azərbaycan çox böyük yaşıl enerji potensialına malikdir.İstər dənizdə, istərsə də quruda külək və günəş enerjisinin potensialı 27 qiqavatdır.

Sonda cənab Prezident onu da qeyd edib ki, Azərbaycanın Abropa qitəsində həm təbii qaz, həm də bərpaolunan enerji istehsalı ilə bağlı gələcək planlarımız uğurlu olacaqdır.Bunun üçün fəaliyyətimizi komanda şəklində davam etdirməli, bir-birimizi daima dəstəkləməliyik.

Ş.Xəlilova,

S.Xəlilov adına Qızılağac kənd 1 nömrəli tam orta məktəbin müəllimi.

"Yeni həyat" qəzeti,

www.yeniheyet.az