Prezidenti İlham Əliyev  Şuşada şəhərə köçmüş ilk sakinlərlə görüşmüşdür

Prezident  İlham Əliyev və Birinci Xanım Mehriban Əliyeva 10 may Ulu Öndərin doğum günü münasibətilə doğma Şuşamızda olmuş, şəhərə yeni köçmüş sakinlərlə görüşmüşlər.Bu görüşün mayın 10-da keçirilməsi məhz Prezident İlham Əliyevin ata vəsiyyətinin yerinə yetiriməsi,Şuşada yeni həyatın başlanması kimi qiymətləndirilməlidir. Sanki Ulu Öndər Heydər Əliyevin "Azərbaycan"əsərinin "Qarabağ" fəslini  Ali Baş Komandan İlham Əliyev "yazaraq" bitirmişdir.Prezident İlham Əliyev və Birinci Xanım Mehriban Əliyeva əvvəlcə yaşayış kompleksinin şəraiti ilə yaxından tanış olmuş,sakinlərlə görüşərək geniş nitq söyləmişdir. Prezidentimiz şuşalıları təbrik edərək onların 30 illik səbir, əzm və şücaətindən danışdı, bu illər ərzində ölkənin inkişaf mərhələsində olduğu,maddi infrastrukturun tənzimlənməsi,yeni nəslin yetişdirilməsi üçün bir zaman olduğunu qeyd etdi. Bu müddətdə Azərbaycanda sağlam, bilikli, vətənpərvər, fizikicəhətdən güclü, mənəvi cəhətdən yetkin, gənc nəsil yetişdi.  Bugünkü qələbəmizə görə o nəslə borcluyuq.
           
 Ali Baş Komandan demişdir:  "Azərbaycan xalqı elə bir qəhrəmanlıq göstərdi ki, bu gün dünyada da Azərbaycan oğullarına hörmət edirlər.Çünki 44 gün bütün Azərbaycan xalqı bir yumruq kimi birləşdi,misilsiz şücaət göstərdi. Ermənistan ordusundan fərqli olaraq bir nəfər hərbçi belə döyüş meydanını tərk etmədi.Düşmən yaxşı anlamışdı ki, müqavimət göstərmək iqtidarında deyil,  kapitulyasiyaya razı oldu.O dövrdə mənə müxtəlif paytaxtlardan zənglər,təkliflər,hətta hədə-qorxular gəldi, ancaq heç bir maneə məni amalımdan   döndərmədi. Şuşasız bizim işimiz yarımçıq qalacaqdı"
           
  Prezident inam və qürurla dolu çıxışında nəinki Şuşada ,Qarabağın bütün bölgələrində olan genişmiqyaslı təmir-bərpa işlərindən ürəkdolusu danışdı. O vurğuladı ki, ən tez Şuşanın bərpası ön plandadır. Şuşa çoz gözəldir, biz onun əvvəlki qüdrətini,tarixiliyini,möhtəşəmliyini,əvvəlki gözəlliyiniqaytarırıq. Şuşa tarixi abidələrlə zəngindir,bu abidələrin bərpası  dərhal başlanılmışdır.Bunlarla yanaşı Şuşada artıq 4 mehmanxana fəaliyyət göstərir,ən böyük olan Şuşa mehmanxanası ənənəvi Şuşa memarlıq üslubunda inşa edilmişdir.Yəni istər yeni tikilən,istərsə də bərpa olunan abidələrin hamısında Şuşanın tarixiliyi əsas götürülmüşdür.Vaqifin büstü yenə əvvəli görkəmdə bərpa olunmuşdur,Üzeyir Hacıbəyovun ermənilər tərəfindən dağıdılmış evi yenidən qurulmaqdadır. Bir sözlə Şuşanın dirçəlməsi geniş vüsət almışdır. Şuşa Qafqazın ən gözəl mərkəzlərindən olacaq.
             
Prezident İlham Əliyev Ulu Öndərin ən böyük arzusunun bu reallıqları görmək olduğunu,Suşanın onu fəaliyyəti nəticəsində bu inkişaf yoluna qədəm qoyduğunu qeyd etdi.O,güclü Azərbaycan dövləti yaratmasa idi, güclü ordunun təməlini qoymasa idi, biz qələbə qazana bilməzdik.Odur ki,bu gün bizim üçün ,doğma şuşalılar üçün ikiqat bayramdır.Ermənilər nə qədər Şuşanı erməniləşdirməyə çalışdılar,amma buna nail ola bilmədilər.Şuşa əzəldən Azərbaycan şəhəri olub,bu qədər vandalizmlə yanaşı yenə də öz simasını qorumuşdur.
             
Prezidentin çıxışından sonra sakinlərdən bəziləri çıxış edərək Prezidentə öz dərin təşəkkürünu bildirdi,bu günün onlar üçün çox sevincli və yaddaqalan gün olduğunu bildirdi.Bu torpaq uğrunda canından keçən vətən övladları_şəhidlər yad olundu,qazilər xatırlandı.
             
Prezidentimiz sakinlərə açarları təqdim edəndə,onların gözlərində yanan işıq sanki,30 illik buzu əridir,onlara yeni bi həyat payı,yenidən dirçəliş ruhu bəxş edirdi.Bəli, bu gün Azərbaycan xoşbəxt ölkədir.

Xoşbəxtdir ki,azaddır,müstəqildir,tamdır,ərazi bütövlüyünü bərpa edib,üzüağdır.Dünya dövlətləri arasında öz nüfuzu var. Biz Azərbaycan vətəndaşları da xoşbəxt xalqın namayəndələriyik ki, İlham Əliyev kimi prezidentimiz var.Həmişə xalqının arxasında dağ kimi dayanan, uzaqgörən,vətənini,millətini düşünən ən layiqli davamçı.
                 
     
           
 Abbasova Sima,
 Masallı rayonu Mahmudavar kəndi  шаблоны для dle 11.2