Azərbaycan xalqı güclü iradə, birlik göstərərək 30 il davam edən işğala son qoydu

27-09-2024, 14:20
Maraqlı

Azərbaycan Respublikasının Prezidenti İlham Əliyev iclasda iştirak edib.

Əvvəlcə Azərbaycan Respublikasının Dövlət Himni səsləndirildi.

Sonra dövlətimizin başçısı nitq söylədi.

Dövlətimizin başçısı çıxışında bildirib ki, prezident və parlament seçkiləri müstəqil ölkəmizin tarixində ilk dəfə idi ki, ölkəmizin bütün ərazisində keçirildiyini, İkinci Qarabağ müharibəsinin və suverenliyimizin tam bərpa edilməsi dünya miqyasında tarixi hadisə olduğunu qeyd edib.

"Azərbaycan xalqı güclü iradə, birlik göstərərək 30 il davam edən işğala son qoydu. Azərbaycan dövləti öz gücünü göstərdi, xalqımız isə bütün dünyaya öz əyilməz ruhunu göstərmişdir. Ona görə əminəm ki, 2024-cü il bu baxımdan tarixdə qalan il olacaq. Çünki prezident və parlament seçkiləri bütün ərazilərdə keçirilərək bir daha Azərbaycan xalqı öz iradəsini ortaya qoydu.

İkinci Qarabağ müharibəsi və antiterror əməliyyatı nəticəsində suverenliyimizin tam bərpa edilməsi ölkə qarşısında yeni imkanlar, yeni üfüqlər açır. 30 ilin işğalı arxada qaldı. İndi ölkəmiz genişmiqyaslı quruculuq, inkişaf işinə qədəm qoymuşdur və nəticələr də göz qabağındadır. Son 3-4 il ərzində ölkəmizin beynəlxalq mövqeləri daha da möhkəmləndi. İkinci Qarabağ müharibəsinin və antiterror əməliyyatının nəticələrini biz bütün dünyaya qəbul etdirə bildik. Halbuki bunu qəbul etmək istəməyən ölkələr və dairələr var idi, bu gün də var. Biz hamımız bunu yaxşı görürük ki, bizə qarşı əsassız ittihamlar, ikili standartlar əsasında qurulmuş ittihamlar davam edir. Ancaq bu, nə bizim iradəmizə, nə xalqımızın iradəsinə heç cür təsir edə bilməz"

Dövlət suverenliyinin bərpa edilməsindən cəmi bir il keçdiyini deyən dövlətimizin başçısı üç gün bundan əvvəl bu günü bayram günü kimi qeyd etdiyini toplantı iştirakçılarının diqqətinə çatdırıb. "Biz bu şanlı tarixi qəlbimizi də əbədi yaşadacağıq. Azərbaycan xalqı, bütün gələcək nəsillər bu şanlı Qələbə ilə haqlı olaraq fəxr edəcəklər".

COP29-un Azərbaycanda keçirilməsi 200-ə yaxın ölkə tərəfindən yekdilliklə qəbul edilmiş qərar olduğunu qeyd edən dövlətimizin başçısı çıxışında bildirib ki,bu bizim beynəlxalq nüfuzumuzu, hörmətimizi göstərən vacib amil olduğunu deyib.

" Bundan sonra da xarici siyasətdə geriyə heç bir addım olmayacaq. Dostlarımızın bütün qitələrdə sayı artır. Biz indi - İkinci Qarabağ müharibəsindən və suverenliyimizi bərpa edəndən sonra daha fəal xarici siyasət aparacağıq. Vaxtilə mövcud olmadığımız bölgələrlə indi çox ciddi təmaslar qurulur, həm sərmayə qoyuluşu layihələri nəzərdən keçirilir, eyni zamanda, müxtəlif sahələrdə əməkdaşlıq üçün yeni imkanlar yaranır. Təbii olaraq, ənənəvi tərəfdaşlarımızla, dostlarımızla münasibətlərimiz yerindədir və daha da inkişaf edir və edəcək".

Sonda Azərbaycan Prezidenti çıxışında VII çağırış parlamentin yenidən işə başlaması münasibətilə milli məclis üzvlərini bir daha təbrik edərək, onlara Azərbaycanın çiçəklənməsi naminə fəaliyyətində uğurlar arzulayıb.

Ziyafəddin Cavadov,

Qızılağac kənd S.Xəlilov adına 1 nömrəli tam orta məktəbin müəllimi