ALLAH RƏHMƏT ELƏSİN
- 25-02-2025, 11:56
- Maraqlı
- 0
- 545
Rafiq Həsən oğlu Bağırov
Masallı rayonu ictimaiyyətinə itki üz vermişdir. Gözəl insan, vətənpərvər şəxsiyyət, dövlətçiliyə sadiq, müxtəlif vəzifələrdə çalışan nüfuzlu el ağsaqqalı Rafiq Həsən oğlu Bağırov ömrünün 83-cü ilində dünyasını dəyişmişdir.
Rafiq Bağırov 1942-ci ildə Masallı rayonunun Boradigah kəndində anadan olmuşdur.
Atasının Böyük Vətən müharibəsindən qara kağızı gələndən sonra Masallı qəsəbəsinə köçmüş, 1950--ci ildə buradakı 1 nömrəli orta məktəbdə oxumuşdur. 1968-ci ildə Bakı Neft texnikumunda avtomobil nəqliyyatının istismarı ixtisasına yiyələnmişdir. Əmək fəaliyyətinə Masallıdakı MTS-də başlamışdır. Bir neçə il rayondakı Sabir adına sovxozda partiya təşkilatı katibi işləyəndən sonra RPK-nın qərarı ilə Bakı Ali Partiya məktəbinə göndərilir. 1980-ci ildə rayon maddi təchizat və mexanikləşdirmə müəssisəsinə müdir təyin olunur.
Müstəqillik illərində Ulu Öndərin yaratdığı Yeni Azərbaycan Partiyasına daxil olur və rayonun ictimai-siyasi həyatında fəal iştirak edir.
Rafiq Bağırov 1994-cü ildən 2001-ci ilə kimi RİH-də Ərazi İdarəetmə şöbəsinin müdiri işləmiş, eyni zamanda kənd təsərrüfatının inkişafında da əməyini əsirgəməyib. Beş ilə yaxın Şəhər Ərazi nümayəndəsinin müavini vəzifəsində çalışıb. O, həm də rayon ağsaqqallar və veteranlar şurasının üzvü idi. Məkkə ziyatində olan bu təqvalı insan bütün uğurlarına görə Allaha, müstəqil dövlətimizə minnətdarlıq edirdi.
Təqvalı insan, el ağsaqqalı, dəyərli ziyalı Rafiq Bağırovun xatirəsi uzun illər yaddaşlardan silinməyəcək.
Allah rəhmət eləsin.
"Yeni həyat" qəzeti,
www.yeniheyet.az
