Masallıda şəhid ailələrinə diqqət və qayğı ənənəsi
- Dünən, 22:19
- Maraqlı
- 0
- 35
Masallı rayon İcra Hakimiyyətinin Başçısı Araz Əhmədovun tapşırığına əsasən Novruz və Ramazan bayramlarında inzibati ərazi dairəsi üzrə nümayəndəliklər, bələdiyyələr, din xadimləri və ziyalıların iştirakı ilə şəhid ailələri ziyarət olunmuşdur.
Rayon ərazisində şəhidlərin doğum və anım günləri xüsusi diqqətdə saxlanılır, şəhid məzarları və şəhid ailələri daim ziyarət olunur.
Mahmudavar kənd ərazi nümayəndəliyi tərəfindən şəhid Mübariz Şahbazovun anım günü ilə əlaqədar məzarı ziyarət olunmuşdur.
Qodman ərazisində şəhid lövhələri vurulmuşdur.
Köhnə Alvadı kənd ərazi nümayəndəliyi, bələdiyyə və din xadimləri tərəfindən I Qarabağ müharibəsi şəhidi Həsənov Zöhrab Məmmədxan oglunun məzarı ziyarət olunmuşdur.
Miyankü ərazisinin Kubin kəndində şəhid Xamiyev Eldar Sahib oğlunun anım günü ilə bağlı məzarı ziyarət olundu.
Təzə Alvadı kəndində xeyriyyəçilər tərəfindən şəhidlər abidə kompleksi tikilmişdir.
Qarğalıq ərazisində Şəhid Xəlilov Gülşad Elşad olunun anım günü ilə bağlı məzarı ziyarət edilmişdir
Güllütəpə, Təklə və Sərçuvar ərazilərində nümayəndəlik tərəfindən şəhid ailələri və şəhid məzarları ziyarət olunmuşdur.
Viləş kəndində şəhidlər abidəsinin ətrafında gül kolları əkilmiş və metal məcərləri rənglənmişdir
Türkoba ərazisinin Şatıroba kəndində Şəhid Natiq Əkbərov və Səttar Hüseynovun məzarı ziyarət edildi.
