Ziyalı işığında...

Dünən, aprelin 10-da Masallı Tarix-Diyarşünaslıq Muzeyində rayon ziyalılarının tanıdılması məqsədilə “Ziyalı işığında “ adlı  layihənin növbəti tədbiri keçirilib.

Layihənin qonağı işlədiyi dövrdə göstərdiyi xidmətlərə görə “Şərəf  nişanı“ ordeni,  “Əmək igidliyinə görə”, “Tərəqqi”, “Heydər Əliyevin 100 -illiyi(1923-2023)” yubiley  medalları ilə təltif olunan, ixtisasca riyaziyyat müəllimi,  rayonun müxtəlif ali vəzifələrində öz sözünü deyən, əsl ziyalı  Qardaş Fəttullayev olub.

Tədbirdə ziyalılar, mədəniyyət işçiləri və gənclər iştirak edib.

İlk öncə rayonun inkişafı yolunda əməyi olan dünyasını dəyişən bütün ziyalıların həmçinin vətənin azadlığı, suverenliyi uğrunda canından keçən  şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan muzeyin direktoru Əntiqə Tağıyeva layihənin keçirilmə məqsədindən danışaraq hər birimizin həyatın bütün dönəmlərində  təcrübəli ziyalı öyüdünə, ziyalı nəsihətinə ehtiyacımız olduğunu qeyd edib.
Sonra Vidadi Nəzərov nüfuzlu, təcrübəli təşkilatçı, rayonun tanınmış ziyalısı Qardaş Fətullayevin ömür yolu haqqında geniş çıxış edib.

Daha sonra Qardaş müəllimlə çiyin-çiyinə çalışan  Hüseyn Hüseynov, Hekayət Nəzərov, Baba Həsənov Qardaş Fətullayev haqqında xatirələrini iştirakçılarla bölüşüblər.
Yekunda günün qonağı, Qardaş Fətullayev  keçirilən tədbirə görə minnətdarlığını ifadə edərək gənclərə həyat yolunda ibrət ola biləcək tərbiyəvi tövsiyələr verib.















шаблоны для dle 11.2