CƏNUBDA ƏN ÇOX BOŞANMA HALI HANSI RAYONDA QEYDƏ ALINIB? BOŞANMALARIN STATİSTİKASI AÇIQLANIB.
- 30-04-2025, 20:19
- Maraqlı
- 0
- 251
Masallı Rayon Statistika İdarəsindən verilən məlumatda bildirilir ki, Masallı rayonunda 2024-cü ildə 1044 nikaha daxilolma və 411 boşanma halları qeydə alınıb. Əhalinin hər 1000 nəfərinə boşanma nisbəti 1,8 olmuşdur. .
Statistikaya nəzər salsaq görərik ki, rayonda 2023-cü ildə 513, 2022-ci ildə 299, 2021-ci ildə 411, 2020-ci ildə 411, 2019-cu ildə isə 365 boşanma qeydə alınıb. (Onu da qeyd etmək lazımdır ki, rəsmi statistikaya görə 1995-ci ildə Masallıda cəmi 4 boşanma olmuşdur)
Onu da qeyd edək ki, Lənkəran-Astara iqtisadi rayonunda əhalinin hər min nəfərinə görə ən çox boşanma nisbətinin müşahidə olunduğu rayonlar Masallı (1,8) və Lənkərandır (1,7).
Ölkə üzrə ən çox boşanma isə Bakı şəhərində qeydə alınmışdır.
Boşananlar arasında uzun müddət evli olanlar, eyni zamanda yaşı 50-dən yuxarı olanlar da çoxluq təşkil edir.
Belə ki, kişilərin yaşına görə daha çox boşanma halları 30-34 və 35-39 yaş qrupları arasında qeydə alınmışdır. Rayonda 50 yaşdan yuxarı 52 kişi boşanmışdır. Kişilər üzrə 50 yaşdan yuxarı boşananların sayı 2019-cu illə müqayisədə 2,0 dəfə artmışdır.
Qadınların yaşına görə isə ən çox boşanma 25-29, 30-34 yaş qrupları arasında qeydə alınmışdır. Rayonda 50 yaşdan yuxarı 31 qadın boşanmışdır.
Qeydə alınmış 411 boşanmadan 185-i uşağı olmayan ailələrdə, 226-sı isə uşağı olan ailələrdə olmuşdur. Belə ki, uşaqlı ailələrdə boşananların 68-i bir uşaqlı,158-i isə 2 və daha çox uşağı olanlardır.
Maraqlı statistika odur ki, 2024-cü ildə Masallıda 693 körpə qeydə alınmamış nikahdan doğulmuş, bu da ümumi diri doğulan körpələrin 30,0 faizini təşkil etmişdir. 2019-cu illə müqayisədə nikahsız doğulan körpələrin sayında 32,9 faiz azalma olmuşdur. Bu göstərici üzrə Lənkəran-Astara iqtisadi rayonunda ən yüksək göstərici Cəlilabad rayonunda qeydə alınmışdır.
Rayonda bəyin yaşına görə ən çox nikaha girənlər 25-29 yaş qruplarında, gəlinin yaşına görə isə 18-24 yaş qruplarında qeydə alınmışdır. 2024-cü ildə 60 yaşdan yuxarı 20 nəfər nikaha girmişdir.
