“Heydər Əliyev və qlobal liderlik: beynəlxalq arenada Azərbaycanın yeri” mövzusunda dəyirmi masa təşkil olunub
- Bu gün, 13:10
- Maraqlı
- 0
- 5
Dekabrın 5-də Masallı rayon Heydər Əliyev Mərkəzi, Masallı rayon Tarix-Diyarşünaslıq Muzeyi, Masallı rayon Mərkəzləşdirilmiş Kitabxana Sisteminin, Gənclərin İnkişaf və Karyera Mərkəzinin Masallı bölməsinin birgə təşkilatçılığı ilə 12 Dekabr – Ümummilli Lider Heydər Əliyevin anım günü ilə əlaqədar “Heydər Əliyev və qlobal liderlik: beynəlxalq arenada Azərbaycanın yeri” mövzusunda dəyirmi masa təşkil olunub.
Əvvəlcə Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilib.
Dəyirmi masa iştirakçıları Ulu Öndər Heydər Əliyevin Azərbaycan dövlətçiliyinin möhkəmləndirilməsi, beynəlxalq aləmdə ölkəmizin nüfuzunun artırılması və qlobal siyasətdə oynadığı mühüm rol barədə geniş fikir mübadiləsi aparıblar.
Çıxış edən natiqlər Heydər Əliyevin uzaqgörən siyasətçi, müdrik dövlət başçısı və dünya miqyasında tanınan lider kimi fəaliyyətini vurğulayaraq, onun təşəbbüsü ilə həyata keçirilən beynəlxalq layihələrin Azərbaycanın inkişafına verdiyi töhfələrdən bəhs ediblər. Bildirilib ki, Ulu Öndərin siyasi irsi bu gün də ölkənin xarici siyasət kursunun əsasını təşkil edir və Prezident İlham Əliyevin rəhbərliyi ilə uğurla davam etdirilir.
