İlham Əliyevin fəaliyyəti müasir Azərbaycan dövlətinin inkişafında və möhkəmlənməsində mühüm əhəmiyyət kəsb edir
- Bu gün, 16:24
- Maraqlı
- 0
- 7
Azərbaycan Respublikasının Prezidenti cənab İlham Əliyevin fəaliyyəti müasir Azərbaycan dövlətinin inkişafında və möhkəmlənməsində mühüm əhəmiyyət kəsb edir. Onun rəhbərliyi ilə ölkədə ardıcıl və məqsədyönlü dövlət siyasəti həyata keçirilmiş, siyasi sabitlik təmin olunmuş, sosial-iqtisadi sahədə davamlı inkişaf əldə edilmişdir. Prezident İlham Əliyevin apardığı islahatlar nəticəsində milli iqtisadiyyat güclənmiş, qeyri-neft sektoru inkişaf etmiş, əhalinin sosial rifahının yüksəldilməsi dövlət siyasətinin əsas prioritetinə çevrilmişdir.
Cənab Prezidentin uğurlu xarici siyasəti Azərbaycanın beynəlxalq arenada mövqelərinin möhkəmlənməsinə, dünya dövlətləri və nüfuzlu beynəlxalq təşkilatlarla əməkdaşlığın genişlənməsinə şərait yaratmışdır. Azərbaycan regional və qlobal layihələrin fəal iştirakçısına çevrilmiş, enerji və nəqliyyat sahəsində strateji tərəfdaş kimi tanınmışdır. Dövlət başçısının prinsipial mövqeyi və qətiyyətli siyasəti nəticəsində ölkəmizin milli maraqları daim qorunmuşdur.
Prezident İlham Əliyevin fəaliyyəti həmçinin milli təhlükəsizliyin təmin olunması, ərazi bütövlüyünün bərpası və dövlət suverenliyinin möhkəmləndirilməsi baxımından xüsusi əhəmiyyət daşıyır. Onun rəhbərliyi altında əldə olunan tarixi nailiyyətlər Azərbaycan xalqının dövlətinə və liderinə olan inamını daha da artırmışdır. Bütün bu fəaliyyətlər güclü, müasir və müstəqil Azərbaycanın formalaşmasına xidmət edir.
Rüfət Rufullayev,
Masallı rayonu
