Allah rəhmət eləsin
- 10-02-2026, 09:05
- Maraqlı
- 0
- 1 303
Umudəli Ələkbər oğlu Huseynov
Masallı rayon ictimaiyyətinə ağır itki üz verib. Gözəl insan, dəyərli ziyalı, aqğsaqqal, Masallı rayonunun təsərrüfat, iqtisadi - siyasi həyatında böyük əməyi olan, Yeni Azərbaycan Partiyası Masallı Rayon Təşkilatının üzvü Umudəli Hüseynov 88 yaşında, 9 fevral 2026-cı ildə dünyasını dəyişib.
Umudəli Hüseynov 20 may 1938 - ci ildə Masallı rayonunun Birinci Yeddioymaq kəndində anadan olmuşdur. Yeddioymaq kənd orta məktəbini qurtarmışdır.
1962-1967-ci illərdə Azərbaycan Kənd Təsərrüfatı Akademiyasının baytarlıq fakültəsini bitirmişdir.
1967-ci ildən 1976-cı ilə kimi Masallı rayonun Krupskaya adına sovxozunda baş baytar həkimi, 1976-cı ildən 1982-ci ilə kimi Masallı Rayon Aqrar-Sənaye Birliyinin baş baytar həkimi, 1982-ci ildən 1984-cü ilə kimi Şıxlar kəndindəki düyəyetişdirmə kompleksinin direktoru, 1990-1993-cü illərdə isə yeni yaradılmış “Şıxlar” və “Yeddioymaq” sovxozlarının ilk direktoru olmuşdur.
2000-ci ildən 2005-ci ilə kimi Masallı RİH başçısının Yeddioymaq İnzibati Ərazi Vahidliyi üzrə nümayəndəsi vəzifəsində işləmişdir.
O, işlədiyi bütün vəzifələrdə işin məsuliyyətini dərindən dərk edərək şərəflə çalışmış, dövlət plan - tapşırıqlarını artıqlaması ilə yerinə yetirilməsinə səy edib.
Şeirləri və müxtəlif mövzularda məqalələri rayon və respublika qəzetlərində çap olunmuşdur. Bir kitabın muəllifidir."Şeyx İbadın məşəqqətli gunləri..." adlı bu kitabı (Bakı, "Elm və təhsil" nəşriyyatı, 2013-cü il. Kitabın redaktoru İbrahim Məmmədhuseyn oğlu Şukurovdur) həmkəndlisi Şeyx İbadın İslam yolundakı mübarizəsindən, onun acIlı-şirinli gunlərindən, məşəqqətli həyatından bəhs edir.
Umudəli Hüseynov gözəl ailə başçısı idi. 6 övladı var.
Bütün ömrünü Vətənin, rayonun çiçəklənməsinə, övladlarının təhsilinə sərf edən Hacı Umudəli Hüseynovun əziz xatirəsi onu tanıyanların qəlbində silinməyəcək.
Allah rəhmət eləsin.
