Antiterror əməliyyatı Azərbaycanın ərazi bütövlüyünü tam təmin etdi
- 18-09-2025, 10:38
- Maraqlı
- 0
- 629
Azərbaycanın Zəfər tarixi Xankəndi, Xocalı, Ağdərə, Xocavənd, Əsgəranda üçrəngli bayrağımızın yüksəldilməsi, ərazi bütövlüyümüzün tam bərpası iləbaşa çatdı.
2023-cü il noyabrın 8-də Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan təntənəli hərbi paradın keçirilməsi Qələbəmizin möhtəşəm simvoluna çevrildi. 44 günlük Vətən müharibəsindəki təcrübənin tətbiqindən sonra artıq antiterror əməliyyatı zamanı qısa müddətdə düşmən darmadağın edildi.
Azərbaycan Ordusunun 2023-cü il sentyabrın 19-20-də həyata keçirdiyi lokal xarakterli antiterror tədbirləri dünya hərb tarixində nadir əməliyyatlarından biri hesab olunur. Əməliyyatın əsas hədəflərini Qarabağ ərazisində erməni silahlı birləşmələrinin və separatçı rejimin mövcudluğuna son qoyulması təşkil edirdi. Həmçinin Ermənistanın baş naziri Nikol Paşinyanın qondarma “Artsax”ı təbrik etməsinin Azərbaycanın səbrini tükətmişdi. Həm BMT-nin qətnamələrinə, həm də üçtərəfli Bəyanatın müvafiq bəndinə uyğun olaraq Azərbaycan Ordusu təhlükəsizliyini təmin etmək üçün lokal antiterror tədbiri həyata keçirməyə məcbur oldu. Qondarma rejimin Ermənistan tərəfindən silahlandırması, Qarabağ ərazisində terror aktlarının törədilməsi, azərbaycanlı mülki şəxslərə və polis əməkdaşlarına qarşı hücumlar bu əməliyyatı qaçılmaz etdi.
Azərbaycanın dörd min kvadratkilometr ərazisinin 23 saatdan da az vaxtda azad olunması, qanunsuz erməni silahlı dəstələrinin darmadağın edilməsi ilə nəticələnmiş bu antiterror tədbirlərinin dünya hərb tarixində nadir əməliyyatlarından biri hesab olunduğunu dəfələrlə yazılıb. Lokal antiterror tədbirlərinin həyata keçirilməsi ilə Azərbaycanın ərazi bütövlüyü və suverenliyi tam bərpa edildi. Fəaliyyəti sıfıra bərabər olan ATƏT-in Minsk qrupuna heç bir ehtiyac qalmadı. BMT-nin dörd qətnaməsinin tələblərini Azərbaycan özü yerinə yetirdi.
Azərbaycan Respublikasının Prezidenti cənab İlham Əliyev başda olmaqla, Azərbaycan Ordusu bütün təxribatları təmkinlə, qətiyyətlə dəf edərək, öz sülhsevər siyasətini dünyaya nümayiş etdirirdi. Hazırda Qarabağda böyük quruculuq işləri həyata keçirir.
Qəşəm HADIYEV,
Masallı Rayon İcra Hakimiyyəti başçısının Vətən müharibəsi iştirakçıları və şəhid ailələri ilə işin təşkili şöbəsinin müdiri.
