Prezident İlham Əliyevin 12 noyabr 2025-ci il tarixli çıxışı barədə

2025-ci il noyabrın 12-də Prezident İlham Əliyev Naxçıvan Muxtar Respublikasında səfərdə olarkən Prezidentin Naxçıvandakı yeni səlahiyyətli nümayəndəsini və bir sıra rayonların icra hakimiyyətlərinə təyin olunmuş yeni başçıları qəbul edib. Görüş zamanı dövlət başçısı çıxış edərək həm yeni təyinat alan məmurlara tövsiyələrini verib, həm də dövlət idarəçiliyi, xalqla əlaqələr və korrupsiyaya qarşı mübarizə mövzularında vacib mesajlar çatdırıb.

Prezident qeyd edib ki, hər bir vəzifəli şəxs üçün əsas məqsəd xalqa xidmət etmək, insanların etimadını doğrultmaq və dövlət siyasətini yerində layiqincə icra etməkdir. O vurğulayıb ki, rəhbər vəzifəyə təyin olunmaq böyük etimad deməkdir və bu etimad yalnız vicdanlı, təvazökar və məsuliyyətli işlə doğruldula bilər.

İlham Əliyev bildirib ki, icra başçıları yerlərdə sosial ədaləti təmin etməli, əhalinin qayğılarını dinləməli və problemlərin həllinə operativ yanaşmalıdırlar. Prezident eyni zamanda korrupsiya və rüşvətxorluğa qarşı ciddi xəbərdarlıq edərək qeyd edib ki, bu cür hallara yol verən hər bir dövlət məmuru qanun qarşısında cavab verəcəkdir.

Dövlət başçısı ölkədə aparılan kadr islahatlarının məqsədinin xalqın rifahını yüksəltmək və idarəçiliyi daha şəffaf etmək olduğunu da bildirib. O, yeni təyin olunan məmurlara fəaliyyətlərində məsuliyyətli olmağı, yerli problemlərin həlli üçün fəal çalışmağı və verilən tapşırıqları vicdanla icra etməyi tapşırıb.
Sonda Prezident İlham Əliyev bütün təyin olunanlara uğurlar arzulayaraq əminliyini bildirib ki, onlar dövlət başçısının etimadını doğruldacaq və ölkənin inkişafına töhfə verəcəklər.



Aidə Şıxəliyeva,
Masallı rayonuшаблоны для dle 11.2