Masallı rayonu ərazisində bir qrup imtiyazlı ahıl evində ziyarət edildi

 Azərbaycan Respublikası Prezidentinin 28 avqust 2023-ci il tarixli, 4059 nörməli Sərəncamı ilə təsdiq olunmuş “Azərbaycan Respublikasında sosial xidmətin inkişafına dair 2023-2026-cı illər üçün Dövlət Proqramı”nın icrası ilə bağlı Tədbirlər Planı”nın 8.4.7-ci bəndinin icrasının təmin edilməsi məqsədilə 11 dekabr 2025-ci il tarixdə Masallı Rayon İcra Hakimiyyəti başçısı Araz Əhmədov, Rayon İcra Hakimiyyəti Başçısının I müavini Tohid Hüseynov, Rayon İcra Hakimiyyəti Başçısının müavini- Sosial-iqtisadi inkişafın təhlili və proqnozlaşdırılması şöbəsinin müdiri Adəm Məhərrəmov, Masallı RİHBA-nın İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Abbas Abbaszadə, Masallı Rayon İcra Hakimiyyəti Başçısının Aparatının əməkdaşları, müvafiq ərazi nümayəndələri, bələdiyyə sədrləri və media nümayəndələri rayonda yaşayan bir qrup imtiyazlı ahılların evində olmuş, onların vəziyyəti ilə maraqlanmışlar. 

Masallı şəhərində 14.10.1943-cü il təvəllüdlü ahıl Babayev Qəzənfər Abuzər oğlu və onun əlil olan həyat yoldaşı 30.01.1964-cü il təvəllüdlü Babayeva Havanisə Qulamhüseyn qızı, 02.01.1943-cü il təvəllüdlü ahıl Sadıqov Əsəd Nəsir oğlu və onun ahıl həyat yoldaşı 01.10.1952-ci il təvəllüdlü Sadıqova Laləzər Fərhad qızı, I Səmədxanlı kəndində 29.12.1947-ci il təvəllüdlü ahıl Kərimov Mirmehti Mirağa oğlu və onun ahıl həyat yoldaşı 25.01.1948-ci il təvəllüdlü Kərimova Pakizə Hacıağa qızı, Ağakişibəyli kəndində 10.08.1940-cı il təvəllüdlü ahıl Məmmədov Firudin Əhəd oğlu və onun ahıl həyat yoldaşı 24.09.1949-cü il təvəllüdlü Məmmədova Zübeydə Nağı qızı, Hişkədərə kəndində 20.06.1951-ci il təvəllüdlü ahıl Yaqubova Zibeydə Əlif qızı və onun əlil olan bacısı 05.05.1957-ci il təvəllüdlü Məmmədova Şəmayıl Əlif qızı, Türkoba kəndində 02.04.1938-ci il təvəllüdlü ahıl Ağayev Sabir Lətif oğlu və onun ahıl həyat yoldaşı 10.06.1950-ci il təvəllüdlü Məmmədova Elmira Məmməd qızı evində ziyarət edilmişdir.

Ahıllar onlara göstərilən diqqət və qayğıya görə Ölkə Başçısı Cənab İlham Əliyevə və rayon rəhbərliyinə öz minnətdarlıqlarını bildirmişlər.