• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Əminik ki, Qarabağın tacı tezliklə işğalçılardan təmizlənəcək

    Əminik ki, Qarabağın tacı tezliklə işğalçılardan təmizlənəcək

    Əminik ki, Qarabağın tacı tezliklə işğalçılardan təmizlənəcək
     
    Vətənə uzanan əlləri kəsmək haqq işidir
     
    Hər zaman adı çəkilən zaman gözlərimiz dolar, qəlbimiz qubar eylər. Adam öz isti ocağından necə ayrılar ki? Həsrəti ilə yaşadığımız 28 il ərzində, hər gün dua etmişik ki, heç olmazsa Allahın bizə nəsib etdiyi ömrün qalan hissəsini doğma yurd-yuvamızda yaşayaq.
    Bu sözləri bizə müsahibəsində Masallı rayonunda məskunlaşan, Şuşa rayonunun Xanalılar kənd sakini Elşən Əmrahov söylədi.
    O, dedi: ”1992-ci il mayın 7-dən 8-nə keçən gecə ... Çoxsaylı hərbi texnika və canlı qüvvə ilə təchiz edilmiş amansız işğalçıya müqavimət göstərə bilmədik. Silahsız idik. Gecələr postda durur, könüllü olaraq döyüşçülərə kömək etməyə çalışırdıq. Dayım oğlu Fikrət Hüseynov, əmim oğlu Bəxtiyar Əliyev kimi neçə qohumum, həmkəndlim son anacan igidliklə vuruşub, şəhid oldular.”
    49 yaşlı E.Əmrahov bildirdi ki, cismimiz ayrılsa da ruhumuz orda qaldı. Yalın camaat yurdundan çıxmağa məcbur oldu. May ayı olmasına baxmayaraq dağlarda qar əriməmişdi. Mal-qara da orda qaldı. Uşaq, qadınlar yük maşınları ilə yola salındı. Mən Cənnət və Mirsiyab əmimlə (dünyalarını dəyişiblər), digər yerlilərimizlə birgə bir az gec çıxdıq kənddən. Mirzələr qış yatağında cəmləşən camaatla birgə Laçın-Qubadlı-Cəbrayıl istiqamətində 13 gün yol gəldik. İlk öncə İsmayıllının Xəlilli kəndinə köçsək də, Ağdamın işğalından sonra Şəkiyə getdik. 1993-cü ildən anam, iki bacım və mən Masallıda, Ərkivan qəsəbəsində məskunlaşmışıq.
    “Uşaqlıqdan musiqiyə, özfəaliyyətə həvəsim vardı. Məktəb tədbirlərində fəal iştirak edirdim. Şuşalılara xas o səsdən İlahi mənə də pay ayırıb ki, bu gün “Qurani-Kərim”in qiraətində istifadə edirəm,” - deyərək o, sözünə davam etdi:”Şuşa Kənd Təsərrüfatı Texnikumunu bitirdikdikdən sonra bir müddət Qarabağ ipək kombinatının 3 nömrəli toxuculuq sexinin kəndimizdəki filialında mexanik, müdir vəzifələrində çalışmışam. Onu da qeyd edim ki, Şuşa şəhərində, eləcə də kəndimizdə Bakı “Radioqurma” istehsalat birliyinin 1 nömrəli istehsalatının filialı da fəaliyyət göstərirdi. Zümrüd anam 24 il rabitə sahəsində işləyib. 75 yaşında haqq dünyasına qovuşub, Ərkivanda torpağa tapşırılıb. Atam ağac ustası olsa da, eyni zamanda bacarıqlı təsərrüfat sahibi idi. Mal-qaradan əlavə gözəl bağımız da vardı.”
    Şuşada nişanlansa da toyunun Masallıda keçirildiyini vurğulayan Elşən müqəddəs Həcc ziyarətində olub. İki övladı var. Oğlu Nicat Aprel döyüşlərinin iştirakçısıdır. Hazırda könüllü əsgər kimi Vətənə xidmət edir. Atası diqqətə çatdırdı ki, Nicatın da ən böyük amalı, məqsədi Qarabağımızı, Aydın babasının (1934-1990) uyuduğu Xanalılar torpağını erməni terroristlərindən azad etməkdir. Çünki onunla yan-yana yağıya anbaan qan udduran qorxubilməz, igid əsgərlərimiz bilir ki, Vətəni sevmək imandandır, ona uzanan əlləri kəsmək haqq işidir.
    Masallılardan həmişə isti məhəbbət gördüyünü dönə-dönə söyləyən Elşən Əmrahov əlavə etdi: “28 ildir ki, ərkivanlılarla duz-çörək kəsirik. Onlar da tezliklə Şuşada qonağımız olmaq arzusundadırlar.
    Yurdsuzluq, köçkünlük ağrılı yerimizdir. Bu dərdə, bu həsrətə son qoymaq üzrəyik. Sanki özümçün bitmiş kimi hesab etdiyim həyata yenidən qayıdacağım, Xanalıların mərkəzində yerləşən evimizə üz tutacağım gün, o torpağı öpə-öpə, qoxusunu ciyərlərimə çəkdiyim anlar yaxınlaşır. Atamın göz bəbəyi kimi qoruduğu meyvə bağını bərpa edəcəyim vaxtda, ruhunun şad olacağı məqamdakı yaşantımı, duyğularımı qabaqcadan ifadə etmək mümkün deyil.”
    Şuşanın zəngin flora və faunası – təmiz havası, bərəkətli torpağı, müxtəlif dərman bitkiləri, çiçəkləri, mineral su yataqlarından söhbət salan E.Əmrahov xatirələrini təzələdi: “İmamqullar və Xanalılar çaylarının qovuşağındakı turşsu çeşməsi çağlayardı. Sarıbaba dağının ətəyindən çıxan mineral su isə Şuşanın mərkəzinəcən çəkilmişdi.”
    “Quduz, insan qanına susayan bu erməni faşistlərinə etibar yoxdur. Atalar demişkən, itlə yoldaşlıq et, amma çomağını yerə qoyma. Uca Rəbbimizin lütfüdür ki, bu gün mənfur düşmənin son “çırpıntılarıdır”, o, qarşımızda qatlanıb.
    Əminik ki, Ali Baş Komandanımızın qətiyyəti və iradəsi sayəsində, şanlı ordumuzun cəbhədə qazandığı ardıcıl qələbələrin davamı olaraq Azərbaycanın dilbər guşəsi, Qarabağın tacı olan Şuşa, dogma Xanalılar kəndimiz tezliklə işğalçılardan təmizlənəcək,”- deyə, müsahibimiz fikrini tamamladı.
     
    AKİF AĞAYEV,
    “Yeni həyat”,      
    www.yeniheyet.az
     
     шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 12:14 Azərbaycan-NATO tərəfdaşlığının 30 ildən artıq davam edən uzun tarixi var
    2. 12:06 Gürcüstan Azərbaycan üçün önəmli ölkədir və eyni zamanda, Azərbaycan da Gürcüstanın strateji tərəfdaşıdır
    3. 23:59 Novruz «təzə il» deməkdir !
    4. 23:00 Bu gün hər iki ölkə birgə səylərlə bölgə üçün və böyük mənada Avrasiya üçün də önəmli ölkələrə çevrilib
    5. 22:30 Biz sülhə heç vaxt olmadığımız qədər yaxınıq
    6. 21:00 Novruz bayramı və rəmzləri
    7. 17:04 Novruz bayramı münasibətilə Azərbaycan xalqına təbrik
    8. 16:59 Masallıda “Sağlam, sosial və təhlükəsiz mühitin formalaşması” adlı silsilə təlimlər
    9. 16:55 Masallıda “Heydər Əliyevin 100 illiyi (1923-2023)” yubiley medalı ilə təltif olunanların medallarının təqdim olunması
    10. 16:30 Novruz-Azərbaycan xalqının milli bayramıdır
    11. 12:30 Ulu Öndər Heydər Əliyevin Azərbaycan qarşısındakı misilsiz xidmətlərindən biri də Novruzun yenidən xalqımıza qaytarılması olub
    12. 11:07 Bakı növbəti dəfə qlobal müzakirələrin platformasına çevirilib
    13. 23:30 Vətən müharibəsi bir daha sübut etdi ki, Azərbaycan Ordusu Cənubi Qafqazın ən qüdrətli ordusudur
    14. 23:30 Rayon rəhbərinin 15 mart 2024-cü il tarixdə növbəti vətəndaş qəbulu
    15. 00:33 Novruz bizim ən qədim milli bayramımızdır
    16. 19:01 “Narkomaniyaya qarşı mübarizə sağlam həyata təminatdır”
    17. 18:58 Masallı rayonunda «Aqrar biznes festivalı» keçirilib
    18. 13:37 Prezident İlham Əliyev Alman İqtisadiyyatını Şərq Komitəsinin Sədri Mixael Harmsın rəhbərlik etdiyi nümayəndə heyəti ilə görüşmüşdür
    19. 13:16 Bizim üçün qardaş ölkə, strateji tərəfdaş və müttəfiq olan Qazaxıstanın Prezidentinin dövlət səfərinə böyük əhəmiyyət veririk
    20. 18:01 Kənd təsərrüfatı nazirinin müavini İlhamə Qədimova Masallıda vətəndaşlarla görüşəcək
    21. 14:30 Avropa reallığı dərk etməlidir
    22. 14:13 Ölkələrarası əlaqələrin inkişafına böyük töhfələr verən Azərbaycan
    23. 23:30 Azərbaycan Respublikasının Prezidenti İlham Əliyev və Qazaxıstan Respublikasının Prezidenti Kasım-Jomart Tokayev mətbuata bəyanatlarla çıxış ediblər
    24. 23:30 Prezident İlham Əliyevi Alman İqtisadiyyatının Şərq Komitəsinin sədri Mixail Harmsın rəhbərlik etdiyi nümayəndə heyəti ilə görüşmüşdür
    25. 20:11 Güllütəpə ərazisində ağacəkmə kampaniyası keçirildi
    26. 12:18 Özünü əsgərlərinə sipər edən zabit
    27. 12:54 Ölkəmizdə apardığı islahatlar Azərbaycanı daha da gücləndirir
    28. 12:44 Azərbaycan Prezidentinə yazırlar
    29. 12:40 Qəhrəmanların ömür yolu əbədidir
    30. 12:37 Azərbaycanda Ramazan ayı başlayıb
    31. 12:26 Dünya çempionu, XTQ zabiti
    32. 23:00 Prezident İlham Əliyevin 10.03.2020-ci il tarixində VI çağırış Azərbaycan Respublikası Milli Məclisinin ilk iclasında çıxış etmişdir
    33. 21:23 Masallıda şair Dadaş Sığdaşlının 90 illik yubileyi keçirilib
    34. 10:38 Qadınlar həyatın mənası, bəzəyi və əbədi gözəlliyidir
    35. 22:30 8 mart – Beynəlxalq Qadınlar Günü ilə əlaqədar
    36. 17:41 Masallıda “8 Mart Beynəlxalq Qadınlar Günü”nə həsr olunmuş tədbir
    37. 17:35 Məktəbli qızlar arasında “8 Mart Beynəlxalq Qadınlar Günü”nə həsr edilmiş  Zərif incilər” adlı “Xəmsə milli” intellektual oyunu keçirilmişdir
    38. 17:23 Martın 10-da tam orta təhsil səviyyəsi üzrə buraxılış imtahanı keçiriləcək
    39. 17:20 “Qara bazar”da dəyəri 5 milyon manat olan 151 kiloqram narkotik vasitə ələ keçirilib
    40. 17:05 Qafqaz Müsəlmanları İdarəsi Ramazan ayının başlanması ilə bağlı fətva verib
    «    Mart 2024    »
    BeÇaÇCaCŞB
     123
    45678910
    11121314151617
    18192021222324
    25262728293031
    DÜNYA XƏBƏRLƏRİ