Masallıda Qələbə sevinci
- 11-11-2020, 21:23
- Siyasət
- 0
- 596
Masallıda Qələbə sevinci Noyabrın 10-da Masallı Rayon İcra Hakimiyyətinin önündəki meydanda rayon əhalisinin iştirakı ilə, sərt karantin rejimi qaydaları gözlənilməklə Azərbaycan Respublikasının Prezidenti, Ali Baş Komandan İlham Əliyevin Qarabağın azad olunması - Böyük Qələbə xəbərini elan etməsilə bağlı tədbir keçirilib.
İlk öncə rayon icra hakimiyyətinin başçısı Şahin Məmmədov, hüquq-mühafizə orqanları, idarə, müəssisə və təşkilat rəhbərləri Azərbaycan xalqının xilaskarı Ümumilli Lider Heydər Əliyevin abidəsi önünə tər gül dəstələri düzərək xatirəsini ehtiramla yad edib, ruhuna dualar oxuyublar.
Sonra rayon sakinləri gün ərzində Ulu Öndərin abidəsinin önünə güllər düzərək Dahi Şəxsiyyətə ehtiramlarını nümayiş etdirib, “Qarabağ bizimdir”, “Qarabağ Azərbaycandır!”, “Siyasi varisin Qarabağı qaytardı!” kimi süarlar səsləndiriblər.
2020-ci il iyul ayında Tovuz istiqamətində gedən döyüşdə qəhrəmancasına şəhid olmuş mayor Anar Novruzovun oğlu rayon rəhbəri Şahin Məmmədovla icra hakimiyyətinin inzibati binasının çardağına çıxaraq Masallı sakinlərini, o cümlədən bütün Azərbaycanı Qələbə münasibəti ilə təbrik ediblər.
Sonda Masallı şəhər Heyər Əliyev Parkında davam edən Qələbə tədbiri Müzəffər Ali Baş Komandanın Qarabağ zəfəri çıxışı və atəşfəşanlıqla yekunlaşıb.
Yaşasın Ali Baş Kamandan!
Yaşasın Azərbaycan!
Qarabağ Azərbaycandır!
“Yeni həyat”,
www.yeniheyet.az
