Masallıda YAP fəallarının şəhid ailələrini ziyarəti davam edir
- 18-03-2021, 17:29
- Siyasət
- 0
- 817
Masallıda YAP fəallarının şəhid ailələrini ziyarəti davam edirŞəhidlərin xatirəsinin əbədiləşdirilməsi və şəhid ailələrinin hörmət və ehtiramla yad edilməsi məqsədilə ölkəmizin hər yerində olduğu kimi Masallı rayonunda da şəhid ailələrinin ziyarəti davam edir.
Martın 18-də Yeni Azərbaycan Partiyası Masallı rayon təşkilatının Şura üzvü Vidadi Nəzərov, təşkilatın Aparat rəhbəri Fəxrəddin Eyvazov, məsul işçisi Rza Rzayev və partiya fəalı Əlizahir İsmayılov şəhid gizir Raqib Vidadi oglu Əzizovun ailəsinə baş çəkiblər.
Ziyarət zamanı şəhid ailəsinin qayğıları dinlənilb, fikir mübadiləsi aparılıb, şəhid gizirin məzarı ziyarət edilib.
Şəhidin ailə üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə minnətdarlıqlarını bildiriblər.
Məlumat üçün bildirək ki, Raqib Əzizov 29 avqust 1991-ci ildə Masallı rayonunun Yolağac kəndində dünyaya göz açıb. 1997-2008-ci illərdə Yolağac kənd tam orta məktəbində təhsil alıb. 2009-cu ilin oktyabr ayının 4-dən həqiqi hərbi xidmətini Azərbaycan Silahlı Qüvvələrinin “N” saylı hərbi hissəsində davam etdirib. 2011-ci ilin aprelin 4-nə kimi Hərbi Dəniz Qüvvələrinin «N» saylı hərbi hissəsində həqiqi hərbi xidmətini başa vurub. 2012-ci ilin noyabrın 21-dən 2013-cü il aprelin 26-na kimi Silahlı Qüvvələrin Təlim-Tədris məktəbində təhsil alıb. 2013-cü il aprelin 29-da Müdafiə Nazirliyinin əmrinə əsasən xidmətini müxtəlif «N» saylı hərbi hissələrdə davam etdirib, bağlama rabitə bölüyünün mobil retransiyasiya stansiyasının rəisi vəzifəsində çalışıb.Azərbaycan Ordusunun giziri Raqib Əzizov 27 sentyabr 2020-ci il tarixdə Azərbaycan Silahlı Qüvvələri tərəfindən Vətən müharibəsi zamanı torpaqlarımızın işğaldan azad olunması uğrunda Füzuli rayonu uğrunda döyüşlərdə düşmənə qarşı vuruşmuşdur. O, Hadrut uğrunda gedən döyüşlərdə qəhrəmancasına şəhid olmuşdur.
Şəhid gizir Raqib Vidadi oğlu Əzizov 9 dekabr 2020-ci il tarixdə doğulduğu Yolağac kənd qəbiristanlığında izdihamla torpağa tapşırılıb.
Ailəli idi. İki övladı yadigar qalıb.
www.yeniheyet.az
