Masallı RİH başçısı şəhərdəki abadlıq-quruculuq işləri ilə tanış olub
- 16-07-2021, 12:21
- Siyasət / İqtisadiyyat
- 0
- 695
Masallı RİH başçısı şəhərdəki abadlıq-quruculuq işləri ilə tanış olubMasallı şəhərində bu il 24 küçəyə asfalt örtüyü döşənib. Ötən il isə şəhərin 18 küçəsi asfaltlanıb.
İyulun 16-da Masallı Rayon İcra Hakimiyyətinin başçısı Şahin Məmmədov şəhərin asfalt vurulmuş Zəlimxan Yaqub (uzunluğu 450 metr, 1620 kvadratmetr), Şirvani (uzunluğu 550 metr, 1980 kvadratmetr), Subhan Həsənov (uzunluğu 700 metr, 2572 kvadratmetr) küçələrinə baxmış, Xətai parkında abadlıq-quruculuq işləri ilə yerində tanış olub, tapşırıq və tövsiyələrini verib.
Rayon rəhbəri bildirib ki, Respublika Prezidenti İlham Əliyevin diqqət və qayğısı sayəsində regionların sosial-iqtisadi inkişafına dair qəbul olunmuş çoxsaylı Dövlət Proqramlarına əsasən respublikamızın bölgələrində aparılan quruculuq işləri Masallıda da uğurla həyata keçirilir. RİH başçısı yurdsevər Masallı sahibkarlarının rayonda görülən abadlıq-quruculuq işlərindəki fəallığını xüsusi vurğulayıb.
İcra başçısı sakinlərə abad küçələrin ətrafında səliqə-səhmana daim fikir verilməsini, yol kənarlarında yaşıllıqların salınması, sərv ağaclarının əkilməsini tövsiyə edib.
Şəhər sakinlərindən Nadir Hüseynov, Rauf Həsənov, Qorxmaz Novruzov, Abdin Hüseynov görülən abadlıq-quruculuq işlərinə görə ölkə rəhbərinə, icra başçısına, eləcə də yol inşaatçılarına minnətdarlıqlarını bildiriblər.
Rayon icra hakimiyyətinin başçısı Şahin Məmmədov həmçinin Vətən müharibəsi şəhidi Subhan Həsənovun evində olub, şəhidin valideynləri ilə görüşüb, ailənin sosial problemləri ilə maraqlanıb.
www.yeniheyet.az
