• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Masallıda “Azərbaycan Bayrağı” ordenli, XTQ komandiri Sahib Şirəliyevin anım mərasimi

    Masallıda “Azərbaycan Bayrağı” ordenli, XTQ komandiri Sahib Şirəliyevin anım mərasimi

    Ərkivan qəsəbəsində “Azərbaycan Bayrağı” ordenli, XTQ komandiri Sahib Şirəliyevin anım mərasimi keçirilib

    Noyabrın 14-də Masallı rayonunun Ərkivan qəsəbəsində 44 günlük Vətən müharibəsinin şəhid baş leytenantı, xüsusi təyinatlı qrup komandiri Sahib Yusif oğlu Şirəliyevin anım mərasimi keçirilib.
    Mərasimdə Masallı Rayon İcra Hakimiyyətinin başçısı Şahin Məmmədov və RİHB aparatının məsul işçiləri, hüquq-mühafizə orqanlarının, müəssisə və təşkilatların rəhbərləri, SHXÇDX rayon şöbəsinin, YAP rayon təşkilatının əməkdaşları, şəhid ailələri, qazilər, qəsəbə sakinləri və media nümayəndələri iştirak ediblər.
     
    Yeniheyet.az xəbər verir ki, RİH başçısı Şahin Məmmədov Azərbaycan Prezidenti, Ali Baş Komandan İlham Əliyevin rəhbərliyilə qazanılan tarixi Qələbədən, ordu-xalq birliyindən, şəhid baş leytenant Sahib Şirəliyev və onun kimi şəhidlərimizin qanının yerdə qalmadığından söhbət açaraq qeyd edib ki, zabit Sahib kimi oğullar bizə şərəfimizi, əyilən vüqarımızı, qürurumuzu qaytardılar. Həqiqətin bir üzü var. Şəhidlər nümunəvi vətəndaş oldular Azərbaycanımıza. Təsəllimiz budur ki, şəhid baş leytenant Sahib, təkcə Yusifin yox, hamının övladıdır. Onun kədəri bu qəsəbənin, bu obanın kədəridir. Bizə Qələbə sevincini yaşadan şəhidlərimizin xatirəsi xalqımızın qəlbində daim yaşayacaq.
    Rayon rəhbəri çıxışında 44 günlük Vətən müharibəsində yanımızda olan, bizə dəstək və düşmən mövqeyində olan ölkələrdən danışıb:” Dünya heç də düşündüyümüz kimi ədalətli deyil. Xocalı qırğını, məscidlərdə donuz saxlanılması buna misaldır. İncikliyimiz dost-qardaş dediyimiz ölkələrin bizi arxadan vurmasıdır. Əgər bu gün dost və düşmən ölkələrimizi düzgün qiymətləndirməsək, Sahiblərin ruhu bizi bağışlamaz. Sahiblər ölkəsinin layiqli vətəndaşı kimi eldən gedir, daim ürəklərdə yaşayırlar. Şəhidlərlə bağlı kitablar yazılır, çap olunur. Təzə ailə quran gənclər müqəddəs məbədgah kimi şəhərimizin Qəhrəmanlar Parkını – şəhidlər abidə-kompleksini ziyarət etməlidirlər. Artıq bu, Masallıda ənənə halını almaqdadır...”
    İcra başçısı daha sonra əlavə edib: “ Biz təkcə bu günümüz üçün yaşamamalıyıq. Vətənpərvər olmalıyıq. Azərbaycan daha qüdrətli olacaq. Yumruq kimi bir, Vətənimizin yanında olaq.”
      Şəhidin atası Yusif Şirəliyev, qəsəbənin tanınmış ziyalısı Hacı Aydın Nurəliyev və başqaları hər zaman onlara göstərilən diqqət və qayğıya görə Müzəffər Ali Baş Komandan cənab İlham Əliyevə, ölkənin Birinci vitse-prezidenti Mehriban xanım Əliyevaya və rayon rəhbərinə minnətdarlıqlarını bildiriblər.
    İl mərasimində Qafqaz Müsəlmanları İdarəsinin Masallı rayonu üzrə qazısı Rəşid Talıbov, QMİ-nin səlahiyyətli nümayəndələri Məftun Hüseynov və başqaları “Qurani-Kərim”dən ayələr oxuyub, ölkə başçımız, Ali Baş Komandanımıza, onun ailəsinə, şəhidlərimizin ruhuna, qazilərimizə, ölkəmizə, millətimizə dualar ediblər.
    Sonra mərasim iştirakçıları şəhid baş leytenant Sahib Şirəliyevin məzarını ziyarət ediblər.
    Şəhidin xatirəsi ehtiramla anılıb, məzarı üstünə tər güllər düzülüb.
    Çıxışlarda şəhid barədə xatirələr söylənilib, onun vətənsevər, cəsarətli hərbçi olduğu vurğulanıb. Masallı Xalq Teatrının aktyoru Camaləddin Əliyev və Masallı Dövlət Regional Kollecinin tələbələrinin iştirakı ilə müəllifi jurnalist-publisist Akif Ağayev olan “Yalnız irəli”ədəbi-bədii kompozisiyasından parça nümayiş olunub, Ərkivan qəsəbə 1 saylı tam orta məktəbinin şagirdlərinin ifasında seirlər səsləndirilib.

    Yeniheyet.az xəbər verir ki, Azərbaycan Silahlı Qüvvələrinin baş leytenantı, Vətən müharibəsinin şəhidi Sahib Yusif oğlu Şirəliyev 1995-ci il oktyabrın 18-də Ərkivan qəsəbəsində (Ramazanlı küçəsində) anadan olmuşdur.
    S.Şirəliyev orta təhsilini Bakı şəhərində yerləşən Ağdam rayon 28 nömrəli tam orta məktəbində almışdır.
    Əlaçı olub, nizam-intizamı, fərdi xüsusiyyətləri ilə həmyaşıdlarından seçilmişdir.
    Məktəb illərində boks idman növünə, hərb sənətinə maraq göstərmişdir. Səkkizinci sinifdən C.Naxçıvanski adına Hərbi Liseyinə sənəd vermiş, 202 bal toplasa da qəbul ola bilməmişdir.
    2013-cü ildə Heydər Əliyev adına Azərbaycan Ali Hərbi Məktəbinə daxil olmuşdur.
    2017-ci ildən Naxçıvan Muxtar Respublikasında, Əlahiddə Ümumqoşun Ordusunun xüsusi təyinatlı zabiti kimi vətənə qulluq etmişdir. Nümunəvi xidməti, xüsusi təyinatlı qruplar arasında keçirilən yarışlarda öncüllüyü ilə fərqlənmiş, dəfələrlə Fəxri fərman və diplomlarla mükafatlandırılmışdır.
    Azərbaycan Ordusunun baş leytenantı olan Sahib Şirəliyev 2020-ci il sentyabrın 27-də Azərbaycan Silahlı Qüvvələrinin tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Xocavəndin və Şuşanın azadlığı uğrunda gedən döyüşlərdə igidilklə vuruşmuşdur.
    Hadrut istiqamətindəki döyüşlərdə, qəsəbənin və ətraf yüksəkliklərin azad edilməsində Sahib və rəhbərlik etdiyi xüsusi təyinatlı qrup (12 nəfərlik heyətlə) xüsusi fədakarlıq göstərib. Hadrut döyüşlərində bir neçə düşməni şəxsən özü məhv edib. Şəhid və yaralılarımız olsa da, qarşı tərəfin sıx yerləşdiyi və güclü müdafiə olunduğu, eləcə də Hadrutu nəzarətdə saxlayan “Xaç” vacib yüksəkliyinin, Tuğ, Qarabulaq kəndlərinin alınmasında, Qırmızı Bazar istiqamətindəki döyüşlərdə S.Şirəliyevin xidməti əvəzsiz olub. Şuşa-Laçın dəhlizi və dəhlizin üstündəki yüksəkliyin ələ keçirdilməsi əməliyyatı zamanı düşmənin xeyli canlı qüvvəsi və hərbi texnikası məhv edilib, 2 ədəd BMP qənimət kimi götürülüb. Bu ağır vuruşda cəsur və təmkinli XTQ-nin qrup komandiri Sahib Şirəliyev qəhrəmancasına şəhid olub.
     
    Şuşa uğrunda döyüşlərdə canını qurban verən qəhrəman zabitimiz 2020-ci ilin noyabrın 14-də, doğulduğu Ərkivan qəsəbəsində dəfn edilib.
    Subay idi.
    Azərbaycan Respublikasının ərazi bütövlüyünün təmin olunması uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş Azərbaycan Silahlı Qüvvələrinin baş leytenantı Sahib Yusif oğlu Şirəliyev ölümündən sonra “Azərbaycan Bayrağı” ordeni, “Vətən uğrunda”, “Şuşanın azad olunmasına görə” və «Xocavəndin azad olunmasına görə» medalları ilə təltif edilib. Bakıda və anadan olduğu qəsəbədə şəhidin adına küçə verilib, xatirəsinə Ərkivanda bulaq inşa edilib.

    www.yeniheyet.azшаблоны для dle 11.2
    DİGƏR XƏBƏRLƏR
    XƏBƏR LENTİ
    1. 16:55 Azərbaycan Prezidentinə yazırlar
    2. 16:53 Azərbaycan Prezidentinə yazırlar
    3. 16:52 Azərbaycan Prezidentinə yazırlar
    4. 16:49 Azərbaycan Prezidentinə yazırlar
    5. 16:47 Azərbaycan Prezidentinə yazırlar
    6. 16:45 Azərbaycan Prezidentinə yazırlar
    7. 15:46 Ömrünü Masallının inkişafına həsr edən ata və oğulun  qısa, maraqlı tarixçəsi
    8. 15:36 Masallıda rayon rəhbərinin 18 sentyabr 2025-ci il tarixli vətəndaş qəbulu
    9. 10:38 Antiterror əməliyyatı Azərbaycanın ərazi bütövlüyünü tam təmin etdi
    10. 10:34 30 İLDƏN SONRA YARANMIŞ  AĞDƏRƏ RAYONU
    11. 16:14 Masallıda “44 gün -23 saat tarixi anlar: Suverenliyin bərpası” mövzusunda tədbir 
    12. 16:10 Rayon rəhbəri Milli Qəhrəman Səfəralı Məmmədovun ailəsini ziyarət etdi
    13. 16:07 Masallının Sərçuvar ərazisində şəhid məzarları rayon rəhbəri tərəfindən ziyarət olundu 17.09.2025
    14. 16:02 Masallının Sərçuvar ərazisinin Sirəbil kəndində 17 sentyabr 2025-ci il tarixdə səyyar qəbul
    15. 15:48 19-20 sentyabr 2023-cü il tarixli antiterror əməliyyatı
    16. 12:28 Vətənə xidmətdə keçən ömür
    17. 08:35 Azərbaycan Prezidentinə yazırlar
    18. 08:33 Azərbaycan Prezidentinə yazırlar
    19. 08:31 Azərbaycan Prezidentinə yazırlar
    20. 08:30 Azərbaycan Prezidentinə yazırlar
    21. 08:24 Azərbaycan Prezidentinə yazırlar
    22. 08:21 Azərbaycan Prezidentinə yazırlar
    23. 08:06 Azərbaycan Respubilkasının Prezidentinin Sərancamı
    24. 11:51 Masallıda rayon rəhbərinin 21 avqust 2025-ci il tarixli vətəndaş qəbulu
    25. 18:05 Masallının Miyanku ərazisində şəhid məzarları rayon rəhbəri tərəfindən ziyarət olundu 20.08.2025
    26. 18:02 Masallının Miyanku kəndində 20 avqust 2025-ci il tarixdə səyyar qəbul
    27. 17:59 Rayon rəhbəri Boradigah çayında aparılan təmizlik işləri ilə tanış olmuşdur
    28. 17:02 Masallı şəhərinin küçələri asfaltlanır
    29. 17:01 Rayon ərazisində küçə işıqlandırması
    30. 17:00 Masallıda şəhid Ətrafil Məmmədovun doğum günü anılıb
    31. 18:43 Masallıda Vətən Müharibəsi Qəhrəmanının 35-ci doğum günü anılıb
    32. 18:38 Masallının yollarında təmir işləri davam etdirilir 01-15 avqust 2025
    33. 18:35 Masallıda şəhid ailələri və məzarlarını ziyarət 01-15 avqust 2025-ci il
    34. 18:33 Masallıda 01-15 avqust 2025-ci il tarixlərində şəhid adına görülmüş işlər barədə
    35. 17:17 Masallıda “Qadınların sahibkarlıq fəaliyyətində rolu: imkanlar, çətinliklər və perspektivlər” mövzusunda tədbir
    36. 11:41 Masallıda quldurluq edən şəxslər saxlanılıblar
    37. 11:09 Masallı Sənaye Məhəlləsində məhsul istehsalı 15 faizdən çox artıb
    38. 09:08 Azərbaycan Prezidentinə yazırlar
    39. 16:45 Masallıda rayon rəhbərinin 14 avqust 2025-ci il tarixli vətəndaş qəbulu
    40. 12:30 Azərbaycan Prezidentinə yazırlar
    «    Sentyabr 2025    »
    BeÇaÇCaCŞB
    1234567
    891011121314
    15161718192021
    22232425262728
    2930 
    DÜNYA XƏBƏRLƏRİ