Azərbaycan – Özbəkistan əlaqələri qardaşlığın bariz nümunəsidir

Azərbaycan- Özbəkistan əlaqələrinin qurulması, iki qüdrətli türk dövlətinin bir- birinə daha da yaxınlaşması Ümumilli liderimiz Heydər Əliyevin adı ilə bağlıdır.  Ümumilli liderimiz Heydər Əliyev ölkəyə həm birinci rəhbərliyi, həm də ikinci rəhbərliyi dövründə Özbəkistana etdiyi səfərlər iki qardaş dövləti bir- birinə daha da yaxınlaşdırmışdır.
     
Təbii ki, cənab Prezident İlham Əliyevin 2003- cü il hakimiyyətə gəldiyi dövrdən başlayaraq Azərbaycan – Özbəkistan əlaqələri daha da möhkəmləndirilmişdir.Bunun bariz nümunələri Azərbaycan  və Özbəkistan arasında olan iqtisadi, sosial, mədəni əlaqələrdir.
     
Hər şeydən əvvəl onu vurğulamaq istərdim ki, iki türk dövlətinin qardaşlaşdıran ən mühüm hadisə Ulu öndərimiz Heydər Əliyevin şərəfinə və onun adını daşıyan paytaxtın Mirabad rayonunda küçənin və burada qoyulmuş barelyefin açılışı oldu.
   
Onu da bildirmək istəyirəm ki, Özbəkistan digər qardaş türk dövlətləri kimi Ümumilli liderimiz Heydər Əliyevə çox böyük önəm verən dövlətlərdən biridir.Özbək xalqı tarixə XX əsrin görkəmli siyasi və dövlət xadimi kimi daxil olmuş dahi lider Heydər Əliyevi yaxşı tanıyırlar.Özbək xalqı onu da bilir ki, Ulu öndərimiz  bütün həyatını öz dövlətinə , xalqının gələcəyinə həsr edib. Ölkəsi, milləti üçün ən ağır illərdə onun taleyinə görə çox böyük məsuliyyəti cəsarətlə  öz üzərinə götürüb, müasir dövlətçiliyin əsaslarını yaradıb, Azərbaycanda bütün sahələrdə geniş miqyaslı dəyişiklikəri uğurla həyata keçirib.
   
Özbək xalqı onu da bilir ki , Ulu öndər müstəqil Azərbaycanın memarıdır. Ümumilli liderimizin qətiyyəti və siyasi iradəsi , zəngin rəhbərlik təcrübəsi və müstəsna liderlik keyfiyyəti gənc, müstəqil dövləti xilas etdi. Bütün bunlardan əlavə qardaş dövlət olan Özbəkistan 15 iyun “ Milli Qurtuluş günü” müzə də çox böyük önəm verir. Belə ki, 15 iyunda Ümumilli liderimizin Azərbaycanda ikinci dəfə hakimiyyətə qayıdışını, ölkəmizin düşdüyü bəlalardan xilas etdiyini özbək xalqı yaxşı bilir.
       
Azərbaycan və Özbək xalqlarının taleylərində də oxşarlıqlar çoxdur. Xalqlarımız çətin, dözülməz dövrlər yaşamalı olub. Bununla belə, həm Azərbaycan, həm  də Özbək xalqları öz mənəvi dəyərlərini , milli qürur və mənliyini qoruyub saxlayıb, öz gələcəklərini özlərinin qurması hüququnu saxlayıblar. Azadlığa doğru keçdiyimiz keşməkeşli yolu qiymətləndirmək onun qədrini bilməyə çalışmışdırlar.
   
Azərbaycan və Özbək xalqı yaxşı bilir ki, əldə edilmiş milli müstəqilliyimiz bu gündə layiqincə qiymətləndirilməli , onu hərtərəfli möhkəmləndirərək sonrakı nəsillərə çatdırmalıyıq .Biz özümüz də azərbaycanlı olaraq tarixin bizə verdiyi dərsləri nəzərə alaraq  Ümumilli liderimiz Heydər Əliyevin Azərbaycan üçün, öz doğma xalqı üçün etdiyi fədakarlıqları  heç bir zaman unutmamalıyıq. Heç unutdurmağa da haqqımız yoxdur . Ona görə haqqımız yoxdur ki, Ulu öndərimiz elə bir tarixi şəraitdə hakimiyyətə gəlmişdir ki, ölkəmiz yox olmaq ərəfəsində idi. Dahi liderimiz bizi yox olmaqdan xilas etdi.
   
Ümumilli liderimiz Heydər Əliyev öz xalqına həmişə böyük hörmətlə yanaşıb. Ulu öndərimiz həmişə istəyirdi ki, Özbəkistan da dünyanın ən öndə gedən , lider dövlətlərindən biri olsun. Ulu öndər həmişə özbək tarixinə , mədəniyyətinə, milli ənənələrinə səmimi heyranlığını bildirib.
   
Son illərdə iki qardaş türk dövlət olan Azərbaycanla Özbəkistan münasibətləri yüksək strateji tərəfdaşlıq səviyyəsinə çatıb . Təbi ki, iki türk dövləti arasında bu cür əlaqələrin yüksək səviyyəyə çatması Cənab Prezident İlham Əliyevin uğurlu xarici siyasətinin nəticəsidir.
     
Biz də əminliklə inanırıq ki, bu gün həm Azərbaycanda, həm də Özbəkistanda gənclərin örnək hesab etdiyi  Ümumilli liderimiz Heydər Əliyevə həsr edilmiş memorial kompleks ölkələrimiz və xalqlarımızın sarsılmaz dostluğuna parlaq simvol olacaq.
   
 

Tarix müəllimi Babayev Rafis Yusif oğlu.
Masallı rayon Hüseynhacılı kəndi.


“Yeni həyat” qəzeti
www.yeniheyet.azшаблоны для dle 11.2