Masallıda aprel şəhidi Nurlan Əsgərlinin anım günü - 2025
- Dünən, 22:11
- Siyasət
- 0
- 11
Masallıda şəhid ailələri, müharibə əlilləri və iştirakçıları daim diqqətdə saxlanılır, onların qayğıları ilə mütəmadi maraqlanılmaqla yaranmış çətinliklərin aradan qaldırılması istiqamətində mühim adımlar atılır.
Belə ki, Masallı rayon İcra Hakimiyyətinin Başçısı Araz Əhmədovun tapşırığına əsasən rayonun Viləş kəndində 2016-cı ilin Aprel döyüşləri zamanı qəhrəmancasına şəhid olmuş Nurlan Bayram oğlu Əsgərlinin şəhadətinin 9-cu il dönümü anılmışdır.
Mərasimdə Masallı rayon İcra Hakimiyyəti Başçısının müavini Adəm Məhərrəmov, aparatın İctimai-siyasi və humanitar məsələlər şöbəsinin müdir müavini Abbas Abbaszadə, Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Nurlan Muradov, Ərazi idarəetmə və yerli özünüidarəetmə orqanları ilə iş şöbəsinin böyük məsləhətçisi Sənan Sadıqov, Qafqaz Müsəlmanları İdarəsinin Masallı rayonu üzrə Qazısı Rəşid Talıbov, Masallı rayon İcra Hakimiyyəti Başçısının Viləş kənd inzibati ərazi dairəsi üzrə nümayəndəliyi, bələdiyyə, şəhid ailələri, müharibə iştirakçıları və ictimaiyyat nümayəndələri iştirak ediblər.
Tədbir iştirakçıları şəhidin məzarını ziyarət etmiş, qəbirüstü abidə önünə tər qərənfillər düzərək şəhidin ruhunu ehtiramla yad etmiş və dualar oxumuşlar.
